Read Batak Toba PANURIRANG HOSEA 1 Bible Online

PANURIRANG HOSEA 1 - Batak Toba bible

PANURIRANG HOSEA 1

¹On ma hata ni Jahowa na ro tu si Hosea, anak ni si Beeri di angka ari ni * si Usia, si Jotam, si Ahas dohot si Hiskia, angka raja di Juda; dohot di angka ari ni + si Jerobeam, anak ni si Joas, raja di Israel. [1†]

²Mula ni hata ni Jahowa marhitehite si Hosea: ninna Jahowa ma tu si Hosea: Laho ma ho, buat ma sada * boruboru sibabijalang dohot angka tubu ni sibabijalang! Ai sai didatdati + isi ni tano i do marmainan, marbalik sian Jahowa. [2†]

³Jadi laho ma ibana, jala dibuat ma si Gomer, boru ni si Diblaim, gabegabean ma nasida jala ditubuhon di ibana sada anak.

⁴Dung i didok Jahowa ma tu ibana: Jou ma goarna si Jesreel; ai otik nari marlulu ma ahu di angka utang mudar ni si Jesreel tu * pinompar ni si Jehu, jala ahu pasiaphon harajaon ni pinompar ni Israel. [3†]

⁵Jadi di ari na sasada i ponggolhononku ma sior ni Israel di rura Jesreel.

⁶Dung i gabegabean muse ma boruboru i, jala ditubuhon sada boru. Dung i didok Jahowa ma tu ibana: Jou ma goarna Nai Sohinasian; * ai ndang be marpangulahi rohangku tu pinompar ni Israel, manang marpamuati rohangku tu nasida. [4†]

⁷Alai marpangulahi ma rohangku anggo tu pinompar ni Juda jala * paluaonku nasida marhitehite Jahowa, Debatanasida i; alai ndang paluaonku marhitehite sior manang podang manang hamusuon, manang hoda manang jolma parsihundul pe. [5†]

⁸Jadi dung sirang susu Nai Sohinasian, gabegabean muse ma boruboru i, jala ditubuhon sada anak.

⁹Jadi ninna Jahowa ma: Jou ma goarna Lo Ami, ai ndang * bangsongku hamu, jala ndang hamu nampuna ahu. [6†]