Read Batak Toba PANURIRANG HOSEA 10 Bible Online

PANURIRANG HOSEA 10 - Batak Toba bible

PANURIRANG HOSEA 10

¹I. [1] * Hau anggur na rugun do Israel marparbue na tudos tu ibana; lam ganda parbuena, lam + dipatorop angka langgatan; hombar tu denggan ni tanona, dipadenggan nasida angka ganaganaan. [81†]

²Landit do rohanasida, nuaeng ma manginona tu nasida. Ibana ma mangaloha langgatannasida, manegai angka ganaganaannasida.

³Ai dohononnasida ma disi: Ndang marraja hita ala so itahabiari Jahowa; ia rajai, tung aha ma bahenonna tu hita? [82†]

⁴Angka hata na so gabeak dihata i nasida, parbulanon na marpangansi dipangke mambahen parjanjian, jala martumbur uhumi, songon latong di atas gole ni hauma.

⁵Angka hitir do isi ni Samaria humolsohon angka lombu sian * Bethapen, ai + margudompong do bangsona alani, raion angka malimna, ala na tarboan sian nasida hamuliaonna. [83†]

⁶Lombu i pe tarboan do * tu Assur bahen somba tu raja Jarib Tarurak ma ia Epraim, maila anggo Israel dibahen sangkapna. [84†]

⁷Nunga mago Samaria; rajana pe tudoshon pangotoman di ginjang aek.

⁸Siap ma dohot angka tambak ni Apen, pardosaan ni Israel. * Suga dohot duriduri tubu sogot di ginjang langgatannasida. Jadi + dohononnasida ma tu angka dolok: Hungkupi hami! Dohot tu angka dolokdolok: Tinggang i hami! [85†] II.

⁹Olat ni angka ari di Gibea, sai mardosa do ho, ale Israel! Disi do tinggal nasida, asa unang sahat tu nasida di Gibea hamusuon i ala ni angka anak hajungkaton. [86†]

¹⁰Guru lomongku nama paminsangku tu nasida. Mangaromrom ma angka bangso dompak nasida laho manali nasida ala dosanasida silompit dua.

¹¹Lombu na niajar do anggo Epraim, lomo rohana mardege alai anggo ahu bolusonku ma hinauli ni rungkungna; pampeongku ma auga tu Epraim, ingkon maninggala ma anggo Juda, manisir ia Jakkob di ibana.

¹²* Sabur hamu ma di hamu bahen hatigoran asa manggotil hamu hombar tu asi ni roha! Totas hamu ma di hamu sada ladang naimbaru, ai nunga + jumpang tingki mangalului Jahowa, paima ro ibana jala dipaudanhon tu hamu hatigoran. [87†]

¹³Hape hageduhon * dininggalai hamu na sai laon, hajahaton digotil hamu, parbue gapgap dipangan hamu. [88†]

¹⁴Ala marhaposan ho tu dalanmu tu hinadeak ni ulubalangmu, jadi masa ma musu garembong di tongatonga ni angka bangsom, jala saluhut hutam angka na gonting i tarulang songon pangulang ni * si Salmon di Bet-Arbel; di ari parporangan, uju marosak angka inaina humongkop angka anakna. [89†]

¹⁵Laos songon i do bahenon ni Betel tu hamu ala ni hinaroa ni hajahatonmuna. Sogot manogotna i siap situtu raja ni Israel.