Read Batak Toba PANURIRANG HOSEA 11 Bible Online

PANURIRANG HOSEA 11 - Batak Toba bible

PANURIRANG HOSEA 11

¹I. [1] Uju bajar dope Israel, holong rohangku mida ibana, jala sian Misir do * hujou anakki. [90†]

²Lam tarjou nasida lam mandaodao nasida sian bohi ni panurirang; tu angka Baal nasida balik mamele, tu angka ganaganaan nasida manutung daupa. [91†]

³Ianggo ahu nian, huiringiring do Epraim, hutangkup nasida di tanganna; alai ndang ditanda nasida, ahu do nian pamalum nasida. [92†]

⁴Marhitehite ihot ni jolma ahu manogu nasida dohot marhitehite tali haholongon; jala ahu do hira sipaganggang auga di osangosangnasida jala husulangkon sipanganon tu ibana.

⁵Ndang tagamon mulak ibana tu tano Misir, Assur nama gabe rajana, ala manjua nasida paubahon rohana.

⁶Jadi patuseok ma tongtong podang di bagasan hutanasida, jala siaphononna angka ransangna, laos sudahononna ala ni sangkapnasida.

⁷Hape anggo bangsongki sai mandatdati marbalik sian ahu, tarjou do nian nasida tu ginjang, hape ndang olo nasida hehe nanggo sahalak. II.

⁸Beha lehononku ma ho ulaning ale Epraim? Pasahatonku ma ho ale Israel? Beha lehononku ma ho ulaning songon * Adma? Bahenonku ma ho songon Zeboim? + Humusor do tahe rohangku dompak ho, marsigorgor do angka asi ni rohangku. [93†]

⁹Ndang tarlaluhon ahu parpiar ni rimashu, ndang be ulahononku maniaphon Epraim. * Ai Debata do ahu, ndada jolma, di tongatongamu do na badia, jala ndang ro ahu di bagasan rimas. [94†]

¹⁰Mangihuthon tu Jahowa do nasida sogot, songon babiat * ibana patungoromon, ai patungoromon ibana, jadi angka hitir ro mangarongom + angka anak sian laut. [95†]

¹¹Angka hitir do nasida tongon marlojongi songon pidong sian Misir, jala * songon darapati sian tano Assur; dung i paianonku na ida di jabunasida marsonangsonang, ninna Jahowa. [96†]