Read Batak Toba PANURIRANG HOSEA 12 Bible Online

PANURIRANG HOSEA 12 - Batak Toba bible

PANURIRANG HOSEA 12

¹I. [1] Dihaliangi halak Epraim do ahu marhitehite gabus, jala halak Israel marhitehite sipaotooto; ianggo Juda marsihohot dope nian tu Debata dohot tu na badia i.

²Epraim mangkalomohon alogo jala dieahi habahaba sian purba, ganup ari dipatamba gabus dohot pangarupaon dohot mambahen padan * tu Assur, jala diboan miak tu Misir. [97†]

³Alai adong do huhut parbadaan ni Jahowa tu Juda, jala marlulu ibana dompak Jakkob hombar tu angka dalanna, hombar tu angka pambahenanna tutu baloshononna tu ibana. II.

⁴Di bortian dope ibana nunga ditiop hian tambihul ni hahana, jala di haroro ni gogona marsiranggut ibana dohot Debata. [98†]

⁵Marsiranggut ibana dohot suruani jala monang ibana, tumatangis ibana huhut diparajarajai suruani. Jumpangsa ibana muse di Betel, jala * disi do mangkatai ibana tu hita. [99†]

⁶Alai Jahowa do i, Debata ni angka parangan, * Jahowa do goarna. [100†]

⁷Dibahen i ho ale, sai pauba ma roham tu Debatam; radoti ma haholongon dohot uhum, jala marhaposan tu Debatam ho manongtong!

⁸Halak Kanaan ibana patioptiop hatian sipaotooto, somal ibana mangarohai rasirasa nuaeng.

⁹Lam didok Epraim dope songon on: * Asal dung mamora ahu, jumpang ahu sinamot, ndang tagamon jumpangan jea ahu, tau dosangku sian saluhut na huhangaluthon. [101†]

¹⁰Hape * ahu do nian Jahowa Debatam olat ni tano Misir; jala ahu mambahen ho maringan dope di undungundung songon uju di angka ari raya. [102†]

¹¹Jala marboaboa ahu tu angka panurirang, jala ahu patorophon pangungkapon, jala marumpama ahu marhitehite angka panurirang.

¹²Molo masa pameleon tu begu di Gilead, sai na buriapus do nasida; di Gilgal dipelehon nasida angka jonggi. Langgatannasida pe doshon tambaktambak sogot di atas gole ni hauma. [103†]

¹³* Maporus tu Padang-Aram ia si Jakkob, jala sinonduk ia + si Israel mambuat boru, marmahanmahan ibana mambuat boru. [104†]

¹⁴Jala marhitehite panurirang sada * ditogihon Jahowa Israel ruar sian Misir, jala marhitehite sada panurirang nasida diparmahan. [105†]

¹⁵Alai piripirion situtu ibana dibahen Epraim jadi parsapatahononna ma utangna mudar tu ibana, jala baloshonon ni Tuhanna ma haurahonna tu ibana.