Read Batak Toba PANURIRANG HOSEA 14 Bible Online

PANURIRANG HOSEA 14 - Batak Toba bible

PANURIRANG HOSEA 14

¹I. [1] Ingkon tarjepol Samaria sogot, ala manggunturi dompak Debatana. Marragean ma nasida bahenon ni podang, * rosahanna do posoposonasida, jala lapaanna do angka boruboru na marhangoluan. [119†]

²Sai * mulak ma ho, ale Israel, tu Jahowa, Debatam! Ala naung tarrobung ho di bagasan hajahatonmu. [120†]

³Angka hata i ma parateatehon hamu, laho mulak tu Jahowa, dok hamu ma tu ibana: Sai marpamuati ma roham mida hajahatonnami sudena! Sai jalo ma na denggan on asa * hugararhon hami angka jonggi ni bibirnami bahen pelean tu ho. [121†]

⁴Ndang be anggo Assur manolongi hami, ndang be marsihundul di hoda hami! Ndang be dohononnami tu jadijadian ni tangannami: Ale debatanami! Marhitehite ho nama jumpangan asi ni roha anak na sopot so marama. II.

⁵Pamalumonku ma panundalionnasida, girgir ma ahu mangkaholongi nasida, ai nunga mombun rimashu maradophon nasida.

⁶Sobokkon nambur ma ahu di Israel, marbunga ma nasida songon bunga pansur, jala manjarar angka uratna, songon Libanon.

⁷Marjurampak ma angka tumburna, jala * songon hau jetun hamuliaonna, jala + uapna songon Libanon! [122†]

⁸Ulahon ni halak angka na maringan di parlinggomanna ma pangoluhon eme, jala marbunga nasida songon hau anggur baritana pe songon anggur ni Libanon.

⁹Ale Epraim, tung tudihangku dope angka ganaganaan? Ahu do mangalusi dohot manatap ho; ahu do songon hariara na rugun, ahu do haroroan ni parbuem.

¹⁰Ise do na pistar asa diparateatehon saluhutna i? Ise do na marroha, asa tandaonna i? Ai tigor do angka dalan ni Jahowa, jala halak partigor mardalani disi; alai anggo halak parjahat tarsulandit do disi. [123†]