Read Batak Toba PANURIRANG HOSEA 8 Bible Online

PANURIRANG HOSEA 8 - Batak Toba bible

PANURIRANG HOSEA 8

¹I. [1] * Bahen tu pamanganmu sarune i: ** Songon panoro ni lali songgop musu tu bagas ni Jahowa; + ala dilaosi nasida padan na hubahen i, jala manjahati nasida dompak patikki. [63†]

²Mangangguhi do nian Israel tu ahu: Ale Debatangku, hutanda hami do ho.

³Alai nunga ditulakkon Israel na denggan i: Leleon ni musu ma ibana nuaeng.

⁴Nunga dipampe nasida raja, alai * ndang marhite sian ahu; nunga dipabangkit nasida angka induk, hape ndang hutanda nasida. Perakna dohot serena dipauli nasida bahen ganaganaan di dirina ala ni siaphononhon do nasida. [64†]

⁵Nunga dibolongkon ibana * lombumu, ale Samaria! Nunga marsigorgor rimashu dompak nasida. Sadia leleng on tagamon so tarbahen nasida pita. [65†]

⁶Ai sian Israel do haroroan ni, panompa i do mambahensa, jala ndada i Debata, * ai gabe tanggotanggo do sogot lombu ni Samaria. [66†]

⁷Ai nunga * disaburhon nasida alogo, jadi habahaba gotilonna sogot, ndang marbiur emena i, ndang maritak biurna i; tung sura pe adong diparbuehon, halak sileban do umpolgaksa sogot. [67†]

⁸Nunga tarbondut Israel tahe! Gari nuaeng nunga nasida di tongatonga ni angka parbegu, * songon ulaula na so tarhalomohon roha ni jolma. [68†]

⁹Ala na nangkok i nasida tu * Assur, songon halode harangan na riar, na so tarpajinak; mangalehon + upa parmainanon do anggo Epraim. [69†]

¹⁰Alai atik pe mangalehon upa nasida tu angka bangso parbegu, magira ma papunguonku nasida, asa mamungka otik nasida binahen ni rodi ni raja ni angka pangarajai. II.

¹¹Ala naung ditambai Epraim angka langgatan laho mardosa, mangala dosa ma angka langgatan i tu ibana.

¹²Marloksaloksa pe patikku husurathon tu ibana, hira hata sileban do i dietongi rohanasida.

¹³Dipotongi nasida * angka pelean situtungon tu ahu, hira jagal hian, laos nasida manganhon, alai ndang dihalomohon Jahowa nasida. Ingotonna ma nuaeng hajahatonnasida, jala luluhononna dosanasida: + Mulak tu Misir ma nasida. [70†]

¹⁴Ai nunga dihalupahon Israel sitompa ibana, jala dipauli angka joro tu begu, jala nunga dipatamba Juda huta angka na gonting. Jadi tongosonku ma * api tu bagasan angka hutana, laos suda panganonna bagasna angka na bolon i. [71†]