Read Batak Toba PANURIRANG JOEL 3 Bible Online

PANURIRANG JOEL 3 - Batak Toba bible

PANURIRANG JOEL 3

¹ Jadi dung songon i: Pangusehonongku ma * Tondingku tu nasa sibuk, gabe manurirangi ma angka anakmuna dohot borumuna, marnipi ma angka sintuamuna, jala maralatan angka dolidolimuna. [27†]

²Dohot do tu angka naposomuna baoa dohot boruboru pangusehononku di angka ari i Tondingku.

³Jala pamasaonku do angka partinandaon di langit dohot di tano on: Mudar dohot api dohot timus na marsijongjong.

⁴Muba do mata ni ari gabe haholomon, jala bulan gabe mudar, patujolo ni ari haroro ni Jahowa na bolon jala na songkal i. [28†]

⁵Alai * nasa na manjou goar ni Jahowa, malua do, ai + di atas ni dolok Sion dohot di Jerusalem masa haluaon, songon na pinarbaga ni Jahowa hian, jala di tongatonga ni halak na malua i do angka na jinou ni Jahowa. [29†]