Read Batak Toba PANURIRANG AMOS 3 Bible Online

PANURIRANG AMOS 3 - Batak Toba bible

PANURIRANG AMOS 3

¹I. [1] Tangihon hamu ma hata on, na nidok ni Jahowa taringot tu hamu halak Israel, taringot tu sandok bangso, na hutogihon ruar sian tano Misir, songon on do:

²Holan hamu do nian na hutanda sian * nasa bangso di tano on; dibahen i luluhononku ma tu hamu saluhut hajahatonmuna i. [21†]

³Tung udur ma tagamon mardalan dua halak, nda jolo sian dos ni rohanasida?

⁴Tung tagamon ma patungoromon babiat di tombak nda adong soroonna? Tung tagamon pangiaron ni anak ni babiat ma soarana sian liangna, nda adong na jumpangsa?

⁵Tung tagamon ma tarjail pidong tu jorgong di tano, molo so jolo ditaon sambil? Tung tagamon ma bingkas jorgong i sian tano, nda adong dapotsa?

⁶Tung tagamon ma mangkuling sarune di bagasan huta, so biahaton situan na torop? Tung adong ma tagamon * masa parmaraan di bagasan huta, so binahen ni Jahowa? [22†]

⁷Ai ndang adong dibahen Tuhan Jahowa nanggo sada, nda jolo dipapatar sibunianna tu panurirang, angka naposona i.

⁸Patungoromon babiat, tung ise ma na so mabiar? Mangkuling Tuhan Jahowa, tung ise ma na so manurirang? II.

⁹Patubegehon hamu ma i tu angka bagas bolon di Asdod dohot tu angka bagas bolon di tano Misir, jala dok hamu ma: Marluhut ma hamu tu ginjang ni angka dolok Samaria, asa tung diida hamu angka halumlamon godang di tongatongana dohot angka pangarupaon di bagasan.

¹⁰Ndang diboto nasida be mambahen uhum na tingkos, ninna Jahowa; nasida angka na pagukguk hajahaton dohot hadoboon di bagasnasida angka na bolon i.

¹¹Dibahen i songon on do didok Tuhan Jahowa: Musu humaliang tano on; jala paijuronna sian ho hagogoonmi jala pupusonna bagasmu angka na bolon i.

¹²Songon on do hata ni Jahowa: Suang songon pangarampas ni parmahan sian baba ni babiat dua haehae, manang parsibongan ni pinggol sada, laos songon i do halulua ni halak Israel sogot, angka na hundul di Samaria, di suhi ni lage dohot di surta tutup ni podoman. [23†]

¹³Tangihon jala hatindangkon hamu ma i di bagasan jabu ni si Jakkob, ninna Tuhan Jahowa Debata Zebaot.

¹⁴Di ari uju marlulu ahu dompak angka pangalaosion ni Israel, marlulu ma ahu dohot dompak angka * langgatan ni Betel, jadi maponggol ma + angka tanduk ni langgatan i, jala angka dabu tu tano. [24†]

¹⁵Rap lohaonku ma * bagas undungundung dohot bagas di huta; mago ma dohot + angka bagas gading, jala siap torop angka bagas, ninna Jahowa. [25†]