Read Batak Toba PANURIRANG AMOS 4 Bible Online

PANURIRANG AMOS 4 - Batak Toba bible

PANURIRANG AMOS 4

¹I. [1] Tangihon ma hata on, hamu ale lombu sian Basan, angka na di * dolok ni Samaria, angka na mangarupa halak na pogos, jala dipapisatpisat halak na metmet, angka na mandok tu tuannasida: + Boan hamu tuson, asa husobur hami. [26†]

²Nunga pola marmangmang Tuhan Jahowa tu habadiaonna, ida ma, ro do angka ari sogot tu hamu, saraton ni halak ma hamu marhitehite haithait, jala pinomparmuna marhitehite hail ni pardengke.

³Jadi ruar ma hamu sian bungbung ni parik, masitondong dalanna di jolona be do, jala timpalhononmuna ma ajiajiani, ninna Jahowa. II.

⁴Ro ma hamu tu Betel asa manjahati! Tu * Gilgal, patamba pangalaosion! Jala boan hamu manogotna i peleanmuna dohot saparsampulumuna + ganup patoluarihon. [27†]

⁵Jala tutung hamu pelean hamauliateon sian * na niigaran, jala tingtingkon hamu pelean bagabaga, baritahon hamu! Ai i do lomo ni rohamuna, hamu ale anak ni Israel, ninna Tuhan Jahowa. [28†]

⁶Ahu pe antong, hulehon do tu hamu haiason ni ipon di saluhut hutamuna, jala hararapar di sagusagu di saluhut ingananmuna, alai laos so mulak hamu tu ahu, ninna Jahowa.

⁷Ahu pe antong, * huontok do sian hamu udan, arga tolu bulan nari dope asa gotilon. Dung i huta nasada hupaudan, huta na sadanari ndang hupaudan; hauma santurpuk dapotan udan, na santurpuk nari, na so tininggang ni udan, marsik do. [29†]

⁸Jadi madoado dua manang tolu huta tu huta na sada naeng minum aek nian, hape ndang sombu. Alai laos so mulak hamu tu ahu, ninna Jahowa.

⁹Nunga nian * huhonahon tu hamu antingano dohot sirara, jala godangan porlakmuna nunga suda digagat + sihapor ro di porlak anggurmuna, hau antajau dohot hau jetunmuna. Alai laos so mulak hamu tu ahu ninna Jahowa. [30†]

¹⁰Nunga nian hutongos tu tongatongamuna begu siherut marpangalaho * songon uju di Misir, huragehon angka dolidolimuna marhitehite podang, huhut tarboan hodamuna, jala nunga hupaanggohon angir ni parsaroanmuna tu bagasan igungmuna, laos so mulak hamu tu ahu, ninna Jahowa. [31†]

¹¹Nunga tung hupabalik hamu, songon * hababalik ni Sodom dohot Gumora, binahen ni Debata, jadi doshon + sipusipu na tinait sian api do hamu, hape laos so mulak hamu tu ahu, ninna Jahowa. [32†] III.

¹²Dibahen i, songon i do bahenonku tu ho ale Israel! Antong ala huondam bahenonku songon i tu ho, marhobas ma ho manjumpangkon Debatam, ale Israel!

¹³Ai ida ma, ibana do Sijadi angka dolok jala sitompa alogo, jala dipabotohon tu jolma manang aha sangkapna; ibana mambahen sibalik hunik gabe haholomon, jala didalani angka * buntulbuntul ni tano on: Jahowa, Debata Zebaot goarna. [33†]