Read Batak Toba PANURIRANG AMOS 5 Bible Online

PANURIRANG AMOS 5 - Batak Toba bible

PANURIRANG AMOS 5

¹I. [1] Tangihon hamu ma hata on, asa hubahen sada andung taringot tu hamu, ale pinompar ni Israel!

²Nunga tinggang boru Israel, ndang tarbahensa be hehe nunga bustang tu tanona, ndang adong nanggo sahalak na pahehe ibana.

³Ai songon on do hata ni Tuhan Jahowa: Huta na paborhathon saribu, * tading na ma sian i saratus; jala na paborhat saratus, tading nama sian i sampulu sogot di pinompar ni Israel. [34†] II.

⁴Ai songon on do hata ni Jahowa tu pinompar ni Israel: * Lulu i hamu ma ahu, asa mangolu hamu! [35†]

⁵Unang tagonan lulu i hamu * Betel, jala unang laho hamu tu Gilgal, jala unang taripar hamu tu Berseba! Ai tarboan tu habuangan sogot ia Gilgal, jala ia Betel gabe sisoada. [36†]

⁶Lulu i hamu ma Jahowa, asa mangolu hamu! Asa unang dirampok bagas ni si Josep, songon api, jala suda dipangan, hape ndang adong pangintopi di Betel nanggo sahalak.

⁷Hamu angka na pahosing * uhum gabe pogu, jala diluntak hatigoran tu tano! [37†]

⁸Jahowa do * sijadi bintang Poriama dohot bintang Sidongdong jala ibana pahosing linggoman ni hamatean gabe torang ni ari, jala dipaholom ari gabe borngin; ibana do + sijou angka aek ni laut, jala diusehon muse tu sisik ni tano on: Jahowa do Goarna! [38†]

⁹Ibana do parohon hasiapon tu halak na gogo, gabe ro hasiapon tu huta na gonting. III.

¹⁰Dihasomorhon nasida do jolma pamodai di partungkoan, jala marbiasbias nasida mida halak sidok na sintong. [39†]

¹¹Dibahen i, ala diluntak hamu halak na pogos, jala dijalo hamu eme silehonlehon manuruk sian ibana, gabe * ndang ingananmuna bagas, angka na pinaulimuna sian batu na nidakdak; disuani hamu pe angka porlak anggur hasoloan, hape ndang inumonmuna anggurna. [40†]

¹²Ai huboto do torop ni pangalaosionmuna dohot hinadeak ni dosamuna, hamu angka na manosak halak partigor, angka na manjalo hasunan manuruk, jala dipatungki halak na pogos di partungkoan.

¹³Dibahen i laos hohom do halak na marroha, ai tingki na jahat do on. [41†] IV.

¹⁴Lulu i hamu ma na denggan, unang tagonan na jat i, asa mangolu hamu! Asa tongon Jahowa, Debata Zebaot donganmuna, songon na nidokmuna i. [42†]

¹⁵* Hagigihon hamu ma na jat i, jala haholongi hamu na denggan, jala hajongjongkon hamu uhum di partungkoan! Anggiat tung marpangulahi roha ni Jahowa Debata Zebaot mida pasipasi ni Josep. [43†] V.

¹⁶Dibahen i, songon on do hata ni Jahowa, Debata Zebaot, Tuhan i: Di saluhut angka alaman masa andung, jala di saluhut dalan dohononnasida sogot: Oe, oe! Tole parumauma jouonnasida mandokkon tumatangis, tole angka siboto andung dohononna mangandungi.

¹⁷Jala masa do andung di saluhut porlak anggur, molo mamolus ahu sian tongatongamu, ninna Jahowa.

¹⁸Marjea ma nasida * angka na mangapian di ari ni Jahowa! Tung aha labamuna sian i? + Haholomon do ari ni Jahowa, ndada hatiuron. [44†]

¹⁹Hira songon halak na maporus maradophon singa, gabe dijumpangkon babiat ibana; jala dung ro di jabu ibana, gabe mangunsande tanganna tu dorpi hape dipargut ulok ibana. [45†]

²⁰Nda haholomon tongon ari ni Jahowa, jala ndada hatiuron hagolapon do, ndang marsinondang?

²¹* Huhagigihon, biasan ahu mida angka ari rayamuna, jala ndang dihalomohon rohangku angka luhutanmuna. [46†]

²²Ai nang pe dipelehon hamu tu ahu * angka pelean situtungon dohot pelean sipanganon, ndang lomo rohangku disi, pelean hamauliateon sian pinahanmuna pamuean pe, ndang parduli ahu disi. [47†]

²³Paholang ma sian ahu hagunturon ni angka endemu, jala ndang lomo roha ni pinggolhu umbege soara ni sordammu.

²⁴Jadi margilinggiling ma songon aek uhumi, jala hatigoran songon sunge na so olo marsik.

²⁵Tung adong ma angka pelean sipotongon dohot sipanganon dipasahat hamu tu ahu di halongonan saleleng siopatpulu taon, * hamu ale pinompar ni Israel? [48†]

²⁶Antong usungonmuna ma undungundung ni rajamuna ro di ojahan ni ganaganaanmuna, tole bintang ni debatamuna, angka na binahenmuna di hamu. [49†]

²⁷Jadi toguonku ma hamu tarbuang dao salpu sian Damaskus, ninna Jahowa, Debata Zebaot goarna. [50†]