Read Batak Toba PANURIRANG AMOS 6 Bible Online

PANURIRANG AMOS 6 - Batak Toba bible

PANURIRANG AMOS 6

¹I. [1] Marjea ma jolma angka na pedem marroha di bagasan Sion dohot jolma angka * na marpangatauan tu dolok Samaria, angka ihutan parjolo ni angka bangso, jala tu nasida do ro angka pinompar ni Israel. [51†]

²Taripar ma hamu maningkir tu * Kalne; dung i laho ma hamu sian i tu Hamat, huta na bolon i; dung i laho tuat ma hamu tu + Gat huta ni halak Palistim; tung dumenggan ma nasida sian angka harajaon on, manang tung lumambas parbalohannasida sian parbalohanmuna? [52†]

³Hamu ale angka na marsurasurahon * holang dope ari hamagoan i, hape hamu do pajonokkon hundulan ni hadoboon. [53†]

⁴Hamu angka na marpeahan * di atas podoman angka na sian gading, jala marbustangan di atas lagenasida, jala na manganhon angka anak ni birubiru pamuean dohot anak ni lombu na pinamokmok sian tongatonga ni bara. [54†]

⁵Hamu angka na umpiltik hasapi jala na patomutomu ende, songon si Daud mardongan parhinaloan. [55†]

⁶Hamu angka na marsobur anggur sian panginuman, jala na marpangirhon miak angka na humushus, alai ndang dihabothon anggo habobola ni si Josep.

⁷Dibahen i ingkon nasida ma nuaeng manguluhon angka na tarbuang tu habuangan: Jadi sohot ma ende ni angka pargadombus. II.

⁸Nunga pola marmangmang Tuhan Jahowa tu dirina, ninna Jahowa Debata Zebaot: Marbiasbias do ahu mida hajungkaton ni Jakkob, jala huhagigihon bagasna angka na bolon, jadi pasahatonku ma huta i ro di pangisina.

⁹Tung sura pe tading dope sampulu halak di bagasan sada jabu, marmatean do nasida.

¹⁰Jadi ia adong tondongna na mangusung dohot na manambun nasida, laho paruarhon angka holiholi sian jabu, jala didok ma tu nasa halak na di jambur ni bagas i: Atehe, adong dope donganmu dison? Jadi dohononna ma: Nunga buriapus! Jadi dohononna ma: * Sip ma ho, ai ndang be jadi pajoujouon goar ni Jahowa. [56†]

¹¹Ai ida ma, Jahowa do na mandokkon jala diropuhi bagas na bolon i, ia bagas na metmet i ditahai do.

¹²Tung marinjak ma tagamon hoda di atas dolok batu manang tung maninggala disi angka lombu? Ai nunga dipauba hamu * uhum gabe rasun, jala parbue ni hatigoran gabe pogu. [57†]

¹³Hamu angka na mangkalashon na so adong, angka na mandok: * Nda nunga maruli angka tanduk hita marhitehite gogonta? [58†]

¹⁴Ai ida ma ahu pahehehon dompak hamu, ale pinompar ni Israel, ninna Jahowa, Debata Zebaot, sada bangso laumonna ma hamu, olat ni Hamat sahat ro di sunge ni adaran. [59†]