Read Batak Toba PANURIRANG AMOS 7 Bible Online

PANURIRANG AMOS 7 - Batak Toba bible

PANURIRANG AMOS 7

¹I. [1] Songon on do dipataridahon Tuhan Jahowa tu ahu, ida ma jumadihon sihapor ibana, di mulana martumbur duhutduhut ni panabian; jala ida ma sagak do i, dung ma nabi rajai.

²Jadi dung sun siap digagat suansuanan ni tano i, ningku ma: Ale Tuhan Jahowa, sai marpamuati ma roham! Tung beha ma panahan ni Jakkob jongjong ai na metmet do ibana?

³Jadi marpangulahi ma roha ni Jahowa taringot tusi; ndang jadi saut! ninna Jahowa. [60†]

⁴Songon on do dipataridahon Tuhan Jahowa tu ahu, ida ma: Dipio Tuhan Jahowa ma api laho manorui, nunga pola disudahon lung bolon i, disudahon dohot partalian i.

⁵Jadi ningku ma: Ale Tuhan Jahowa, ua pasadi ma! Tung beha

⁶Jadi marpangulahi ma roha ni Jahowa taringot tusi; dohot i pe ndang jadi saut! ninna Tuhan Jahowa.

⁷Songon on muse dipataridahon tu ahu, ida ma: Jongjong do Tuhan i di atas ni sada parik na rahis situtu sinasap, patioptiop * tali rambu na marpungga di bagasan tanganna. [61†]

⁸Dung i ninna Jahowa ma tu ahu: Aha do na niidam, ale Amos? Jadi ningku ma: * Tali rambu na marpungga do! Jadi ninna Tuhan i ma: Ida ma pagistangonku ma sada tali rambu di tongatonga ni bangsongku Israel, + ndang be marsombusombu ahu mida ibana. [62†]

⁹Ingkon saesae ma angka buntulbuntul ni Isak, jala tarulang angka bagas na badia ni Israel, jala hehe ma ahu dompak bagas ni si Jerobeam patioptiop podang. [63†] II.

¹⁰Jadi disuru si Amasia, malim sian Betel, suruonna tu * si Jerobeam, raja sian Israel, ninna ma: Marjehejehe do si Amos dompak ho di tongatonga ni pinompar ni Israel; + ndang tartaon tano i hatahatana sudena. [64†]

¹¹Ai songon on do didok si Amos: Ingkon mate si Jerobeam marhitehite podang, jala ingkon tarboan tu habuangan ianggo Israel sian tanona.

¹²Dung i didok si Amasia ma tu si Amos: Laho ma ho * ale paralatan! Maporus ma ho tu tano Juda, jala disi ma ho mangan sagusagu, jala disi ma ho manurirangi! [65†]

¹³Alai anggo di Betel * unang be datdati manurirangi! Ai huta habadiaon ni rajai do i, jala hundulan ni harajaon do i. [66†] III.

¹⁴Jadi ninna si Amos ma mangalusi si Amasia: Ndang nian panurirang ahu, jala ndang anak ni panurirang ahu, * halak parmahan do ahu, jala na papungupungu parbue ni hau antajau. [67†]

¹⁵Dung i dibuat Jahowa ma ahu sian na mangadu birubiru, jala didok Jahowa tu ahu: Laho ma ho manurirangi dompak bangsongku Israel! [68†]

¹⁶On pe tangihon ma hata ni Jahowa! Nimmu do: Ndang jadi * ho manurirangi dompak Israel, jala ndang jadi pistikkononmu hatam dompak pinompar ni si Isak! [69†]

¹⁷Dibahen i songon on do hata ni Jahowa: * Marmainan do jolmam di bagasan huta, jala marragean angka anakmu dohot borum marhitehite podang, jala bagion do tano on marhitehite rujiruji, jala mate di atas tano na ramun do ianggo ho jala tarboan tu habuangan ia Israel sian tanona. [70†]