Read Batak Toba PANURIRANG AMOS 8 Bible Online

PANURIRANG AMOS 8 - Batak Toba bible

PANURIRANG AMOS 8

¹I. [1] Songon on do dipataridahon Tuhan Jahowa tu ahu, ida ma, sada hirang na marisi parbue naung malamun.

²Jadi ninna ibana ma: * Aha do na niidam, ale Amos? Jadi ningku ma: Sada hirang marisi parbue naung malamun dung i ninna Jahowa ma tu ahu: Nunga jumpang hasisimpul ni bangsongku Israel, + ndang be marsombusombu ahu mida ibana. [71†]

³Jadi di ari na sasada i andungkononnasida ma angka ende di joro i, ninna Tuhan Jahowa dibahen hinadeak ni bangke, * sip songon i ditimpalhon margugungugun. [72†]

⁴Tangihon ma hata on, * hamu ale angka na mangarohai halak na pogos, jala disiaphon halak na dangol di tano on. [73†]

⁵Angka na mandok: Andigan pe ulaning salpu poltak ni bulan asa manggadis eme hita? Andigan salpu dohot * ari Sabbat, asa tarungkap sopo paremean? Laho pametmethon solup, jala pabalgahon arga dohot mangansi marhite sian + hatian si paotooto. [74†]

⁶Laho manuhor halak na parir ali ni perak dohot halak na pogos * ali ni sipatu sapasang, asa tagadis lapung singkat ni eme. [75†] II.

⁷Nunga pola * marmangmang Jahowa tu hamuliaon ni si Jakkob: Molo tung halupahononku be salelenglelengna angka pambahenannasida sudena. [76†]

⁸Tung so humuntal ma tano on taringot tusi, manang so margudompong nasa pangisina? Gabe binsat * songon batang aek Nil sandok tano i, jala margalumbang jala moru, songon Nil ni Misir. [77†]

⁹Di ari na sasada i, ninna Tuhan Jahowa, * sundut ma mata ni ari di hos ni ari, jala paholomonku tano on arian. [78†]

¹⁰Paubaonku ma ari rayamuna gabe pangandungan, jala saluhut endemuna gabe andung; jala * alithononku tu saluhut gontingmuna ulos hori, jala hapalpalon tu atas saluhut ulu; jala bahenonku do + songon hangaluton marhinamagohon anak sasada, jala ujungna songon ari hinamago. [79†]

¹¹Ida ma, ro do angka ari sogot, ninna Tuhan Jahowa, tongosonku ma haraparon tu tano on, ndada haraparon di sagusagu manang hauason di aek ingkon di angka hata ni Jahowa do, naeng begeonna nian.

¹²Jadi madoado ma nasida sian laut na sada tu laut nasada nari, jala sian utara tu habinsaran diliati nasida mangalului hata ni Jahowa nian, hape * laos so jumpang nasida do. [80†]

¹³Di ari na sasada i mandate ma boruboru namarbaju, angka na uli rupa ro di angka dolidoli dibahen uas. [81†]

¹⁴Nasida angka na marmangmang tu hadosaon ni Samaria, angka na mandok; songon sintongna mangolu Debatam, ale Dan! Songon ngolu ni dalan tu Berseba! Ingkon marragean nasida sogot, jala ndang be hehe. [82†]