Read Batak Toba PANURIRANG OBAJA 1 Bible Online

PANURIRANG OBAJA 1 - Batak Toba bible

PANURIRANG OBAJA 1

¹I. [1] Pangungkapon ni si Obaja, songon on do hata ni Tuhan Jahowa taringot tu Edom: Nunga hubege hami sada barita sian Jahowa, jala nunga disuru sada pangulu tumopot angka bangso parbegu: Tole antong, borhat ma hita marmusu dompak nasida.

²Ida ma, metmet do ho bahenonku di tongatonga ni angka bangso parbegu, asa lea situtu ho.

³Panengaon ni roham do paotootohon ho, ala maringan ho di bagasan * angka liang ni dolok batu, buntul ingananna, gabe didok di bagasan rohana: Tung ise ma na tuk mangonjar ahu tu tano? [1†]

⁴Nang pe timbo ho songon lali na mangareapreap, tung sura pe diholangkolang ni angka bintang dibahen ho asarmu, sai na onjaronku do ho sian i, ninna Jahowa.

⁵Tung sura ro halak panangko tumopot ho, manang pangarut borngin, tung songon dia ma hasisiapmu bahenonna! Tung so tangkoonnasida, sae di nasida? Tung sura ro halak sitapu anggur tumopot ho, nda holan angka pisikpisik tadingkononnasida.

⁶Alai beha do pandiori ni halak di si Esau, disungkapi angka parbonangan sitabunianna!

⁷Sahat ro di partalpahan pataruon ni sude angka baoa parjanjianmu ho; na dipaotooto jala dipatunduk angka baoa donganmu sapartahian do ho; sagusagum do bahenonnasida gabe jorgong di torum, so botobotoanmu.

⁸Nda songon on do masa di ari na sasada i, ninna Jahowa, siaphononku ma halak na bisuk sian Edom, jala parbinotoan sian dolok ni si Esau? [2†]

⁹Jadi tarhatotong ma angka ulubalangmu, ale * Teman, asa tung sun siap nasa baoa sian dolok ni si Esau dibahen todostodos. [3†]

¹⁰Ala ni hajungkaton tu anggim si Jakkob, ingkon hungkupan ni haurahon ma ho, jala ingkon siaphononhon ho ro di salelenglelengna. [4†]

¹¹Uju di ari pandopangmu dompak ibana, uju di ari pamuangkon ni halak sileban paranganna, jala dibongoti halak sileban bahalna, jala marruji nasida taringot tu Jerusalem, dohot do ho uju i songon sada sian nasida.

¹²Hape nian, ndang jadi * martilla pamerengmu di ari ni anggim, di ari hinamagona, jala ndang jadi marlas ni roha ho mida angka anak ni Juda di ari hasisiapnasida i, jala ndang jadi teal pangkulingmu di ari hagogotanna. [5†]

¹³Ndang jadi bongotanmu bahal ni bangsongku di ari hasisiapnasida, ndang jadi martilla dohot pamerengmu mida hinamagona, di ari hasisiapna i, jala ndang jadi paganjangonmu jarijarim mambuat ugasanna di ari hinamagona.

¹⁴Jala ndang jadi nian jongjong ho di dalan panirpangan laho mangaragehon angka na maporus sian ibana; jala ndang jadi nian jehehononmu angka na malua sian ibana di ari hagogotan. [6†]

¹⁵Ai jonok nama * ari ni Jahowa tu atas ni saluhut bangso parbegu: + Suang songon na binahenmi bahenonna sogot tu ho; pambahenanmi pasuangonna tu ulum. [7†]

¹⁶Ai songon parsoburmuna di atas ni dolok habadiaonki, * marsobur sogot tongtong sude bangso parbegu; marsobur ma tongon nasida, jala siruponna, jadi disi pe nasida, hira na so dung disi. [8†] II.

¹⁷Alai anggo * di atas dolok Sion adong do haluaon sogot, jala manjadi habadiaon, jala teanon ni pinompar ni si Jakkob do angka inganannasida. [9†]

¹⁸Dung i * gabe api ma pinompar ni si Jakkob, jala jilam ni api ia pinompar ni si Josep, alai gabe durame ianggo pinompar ni si Esau: Jadi nahitanna ma nasida, laos suda nasida tutungonna, jadi ndang adong na malua nanggo sada sian pinompar ni si Esau, ai nunga Jahowa mandok i. [10†]

¹⁹Dung i teanon ni isi ni dangsina ma dolok ni si Esau dohot tano pea ni halak Palistim; teanonnasida dohot ladang ni Epraim dohot ladang ni Samaria; alai anggo Gilead di Benjamin do i.

²⁰Jala angka na tarbuang sian parangan ni halak Israel manean sogot tano na di halak Kanaan hian sahat ro di Sarpat; jala halak na tarbuang sian Jerusalem, angka na di Sarpat manean sogot angka huta tungkan dangsina.

²¹Jala nangkok sogot angka silehon tua tu dolok Sion laho manguhum dolok ni si Esau. Jadi di Jahowa ma harajaon i.