Read Batak Toba PANURIRANG JONA 2 Bible Online

PANURIRANG JONA 2 - Batak Toba bible

PANURIRANG JONA 2

¹Dung i diparo Jahowa ma sada ihan raja, asa di bondut si Jona. Jadi * di bagasan butuha ni ihan i ma si Jona tolu ari tolu borngin. [6†]

²Dung i martangiang ma si Jona tu Jahowa Debatana, sian butuha ni ihan i.

³Jala didok ma: * Joujou do ahu sian hagogotanki tu Jahowa gabe dialusi ibana ahu. Sian butuha ni parbeguan ahu mangangguhi: Ditangihon ho do soarangki! [7†]

⁴Nunga direongkon ho ahu tu bagasan lung tu bagasan pusupusu ni laut, gabe pusat mangkaliangi ahu, sude * angka ombakmi dohot galumbangmi mangalungkupi. [8†]

⁵Ianggo ahu, * nunga hudok: Nunga bali ahu sian jolo ni matam; alai tahe ulahanku dope mamereng dompak joro habadiaonmi. [9†]

⁶Nunga nian dihaliangi angka aek i ahu, pola tos hosangku, lung i pasampaksampak ahu sirambon do alit tu ulungku. [10†]

⁷Nunga mangungkor ahu sahat tu bona ni angka dolok, ransangransang ni tano on pe nunga tarsordak humaliang ahu ro di salelenglelengna. * Alai dipanangkok ho ngolungku sian godung ale Jahowa Debatangku. [11†]

⁸* Uju mandate hosangku di bagasan, Jahowa ma huingot, jadi sahat ma tangiangku tu ho, tu joro ni habadiaonmi. [12†]

⁹Alai halak na * marsomba tu ganaganaan sipaotooto, i ma na manadingkon hasonangannasida i. [13†]

¹⁰Alai anggo ahu mardongan soara pujipujian ahu mamele tu ho, gararonku do na huparbagabaga, Jahowa do nampuna hatuaon. [14†]

¹¹Dung i didok Jahowa ma tu ihan i, gabe diutahon ma si Jona tu pasir.