Read Batak Toba 4 MUSA 2 Bible Online

4 MUSA 2 - Batak Toba bible

4 MUSA 2

¹I. [1] Dung i ro ma hata ni Jahowa tu si Musa dohot tu si Aron songon on:

²Ingkon marsaro halak Israel ganup mardonokkon partonggolna, partinandaan ni nasida marompuompu, jala ingkon marsaro nasida tondong ni undungundung parluhutan i humaliang. [13†]

³Dungkon habinsaran ingkon marsaro marga Juda rap dohot partonggolna dohot paranganna, jala si Nahason, anak ni si Aminadab, ihutan ni halak Juda. [14†]

⁴Jala paranganna angka naung tarbilangi pitupulu opat ribu onom ratus halak toropna.

⁵Jala di lambungna ingkon marsaro marga Isasar, jala si Netaneel, anak ni si Zuar, ihutan ni halak Isasar.

⁶Jala paranganna angka naung tarbilangi limapulu opat ribu opat ratus halak toropna.

⁷Tole muse marga Zebulon, jala si Eliab, anak ni si Helon, ihutan ni halak Zebulon.

⁸Jala paranganna angka naung tarbilangi limapulu pitu ribu opat ratus halak toropna.

⁹Jadi luhut angka na tarbilangi sian parsaroan Juda saratus ualupulu onom ribu opat ratus halak toropna, angka na masuk tu paranganna, jala ingkon nasida manguluhon.

¹⁰Dingkan dangsina ingkon marsaro partonggol ni marga Ruben, rap dohot paranganna, jala si Elizur, anak ni si Sedeur, ihutan ni halak Ruben. [15†]

¹¹Jala paranganna angka naung tarbilangi opatpulu onom ribu lima ratus halak toropna.

¹²Jala di lambungna ingkon marsaro marga Simeon, jala si Selumiel, anak ni si Zurisaddai, ihutan ni halak Simeon.

¹³Jala paranganna angka naung tarbilangi limapulu sia ribu tolu ratus halak toropna.

¹⁴Tole muse marga Gad, jala si Eliasap, anak ni si Rehuel, ihutan ni halak Gad.

¹⁵Jala paranganna angka naung tarbilangi opatpulu lima ribu onom ratus limapulu halak toropna.

¹⁶Jadi luhut angka na tarbilangi sian parsaroan Ruben saratus limapulu sada ribu opat ratus limapulu halak toropna, angka na masuk tu paranganna; jala ingkon parduan paidua nasida laho borhat.

¹⁷Dung salpu nasida ingkon borhat undungundung parluhutan i rap dohot parsaroan ni halak Lepi di tongatonga ni angka parsaroan suang songon parpeakna marsaro, laos songon i nasida borhat, ganup di ingananna be mardonokkon partonggolna. II.

¹⁸Dingkan hasundutan ingkon marsaro partonggol ni marga Epraim rap dohot paranganna jala si Elisama, anak ni si Amihud, ihutan ni halak Epraim. [16†]

¹⁹Jala paranganna angka naung tarbilangi opatpulu ribu lima ratus halak toropna.

²⁰Jala di lambungna ingkon marsaro marga Manasse, jala si Gamaliel, anak ni si Pedazur, ihutan ni halak Manasse.

²¹Jala paranganna angka naung tarbilangi tolupulu dua ribu dua ratus halak toropna.

²²Tole muse marga Benjamin, jala si Abidan, anak ni si Gidion i induknasida i. [17†]

²³Jala paranganna angka naung tarbilangi tolupulu lima ribu opat ratus halak toropna.

²⁴Jala luhut angka na tarbilangi sian parsaroan Epraim saratus ualupulu ribu saratus halak toropna, angka na masuk tu paranganna; jala ingkon parduan paitolu nasida laho borhat.

²⁵Dingkan utara ingkon marsaro partonggol ni marga Dan rap dohot paranganna, jala si Ahiezer, anak ni si Amisaddai ihutan ni halak Dan. [18†]

²⁶Jala paranganna angka naung tarbilangi onompulu dua ribu pitu ratus halak toropna.

²⁷Jala di lambungna ingkon marsaro marga Aser, jala si Pagiel, anak ni si Okran, ihutan ni halak Aser.

²⁸Jala paranganna angka naung tarbilangi opatpulu sada ribu lima ratus halak toropna.

²⁹Tole muse marga Naptali, jala si Ahira, anak ni si Enan, ihutan ni halak Naptali.

³⁰Jala paranganna angka naung tarbilangi limapulu tolu ribu opat ratus halak toropna.

³¹Jala luhut angka na tarbilangi sian parsaroan Dan saratus limapulu pitu ribu onom ratus; jala ingkon parpudi nasida laho borhat mangihuthon tu partonggolna.

³²I ma saluhutna angka na tarbilangi sian halak Israel marompuompu, saluhut angka na tarbilang tahe di bagasan parsaroan mangihuthon parduanna be onom ratus tolu ribu lima ratus limapulu halak toropna. [19†]

³³Alai anggo halak Lepi ndang dibilangi di tongatonga ni halak Israel, hombar tu na tinonahon ni Jahowa hian tu si Musa. [20†]

³⁴Jadi dibahen halak Israel ma saluhut songon na tinonahon ni Jahowa tu si Musa, laos songon i ma parpeaknasida marsaro mangihuthon partonggolna be, songon i dohot haboborhatnasida, ganup marmargamarga dohot marompuompu. [21†]