Read Batak Toba 4 MUSA 26 Bible Online

4 MUSA 26 - Batak Toba bible

4 MUSA 26

¹I. [1] Jadi dung mansohot begu masa i, ro muse hata ni Jahowa tu si Musa dohot si Eleasar, anak ni malim Aron, songon on:

²Surathon ma bilangan ni sandok luhutan ni halak Israel, olat ni na marumur duapulu taon dohot lobi sian i marompuompu, nasa baoa sialo musu di Israel. [240†]

³Dung i mangkatai ma si Musa dohot malim Eleasar tu nasida di adaran Moab di topi ni Jordan, tondong ni Jeriko, ninna ma:

⁴Olat ni na marumur duapulu taon dohot lobi sian i, ingkon bilangan do, songon na tinonahon ni Jahowa tu si Musa dohot tu halak Israel, angka naung ruar sian tano Misir.

⁵Si Ruben do anak buhabaju ni Israel; angka anak ni si Ruben i ma: Si Hanok, marharoroan sian ibana halak Hanok i; si Pallu haroroan ni halak Pallu i. [241†]

⁶Si Hezron haroroan ni halak Hezron i; si Karmi haroroan ni halak Karmi.

⁷I ma pinompar ni halak Ruben, jala bilangannasida opatpulu tolu ribu pitu ratus tolupulu halak toropna.

⁸Ia anak ni si Pallu, i ma si Eliab.

⁹Jala angka anak ni si Eliab, i ma: Si Nemuel, si Datan dohot si Abiram. I ma si Datan dohot si Abiram, angka na tarpio tu huria i, i ma angka na mambingkasi bada dompak si Musa dohot si Aron di tongatonga ni halak na saparbulanan dohot si Kora, uju manjahati nasida dompak Jahowa. [242†]

¹⁰Jadi dipangangang tano i babana, laos dibondut nasida rap dohot si Kora di na mate halak sisaparbulanan i, uju suda dipangan api dua ratus limapulu halak toropna laos gabe panjoraannasida.

¹¹Alai ndang mate anggo angka anak ni si Kora.

¹²Angka anak ni si Simeon marompuompu: Si Nemuel haroroan ni halak Nemuel i; si Jamin haroroan ni halak Jamin i; si Jakin haroroan ni halak Jakin i.

¹³Si Zerah haroroan ni halak Zerah i; si Saul haroroan ni halak Saul i.

¹⁴I ma pinompar ni halak Simeon, duapulu dua ribu dua ratus halak toropna.

¹⁵Angka anak ni si Gad marompuompu: Si Zepon haroroan ni halak Zepon i; si Haggi haroroan ni halak Haggi; si Suni haroroan ni halak Suni.

¹⁶Si Osni haroroan ni halak Osni; si Eri haroroan ni halak Eri.

¹⁷Si Arod haroroan ni halak Arodi; si Areli haroroan ni halak Areli.

¹⁸I ma pinompar ni halak Gad, bilangannasida do opatpulu ribu lima ratus halak toropna.

¹⁹Ia angka anak ni si Juda, i ma: Si Er dohot si Onan; alai mate do anggo si Er dohot si Onan di tano Kanaan. [243†]

²⁰Angka anak ni si Juda marompuompu: Si Sela haroroan ni halak Selani; si Peres haroroan ni halak Perisi; si Zerah haroroan ni halak Zerah i.

²¹Ia angka anak ni si Peres: Si Hezron haroroan ni halak Hezron i; si Hamul haroroan ni halak Hamul i. [244†]

²²I ma pinompar ni halak Juda jala bilangannasida pitupulu onom ribu lima ratus halak toropna.

²³Ia angka anak ni si Isasar marompuompu: Si Tola haroroan ni halak Tolai; si Pua haroroan ni halak Pua.

²⁴Jahsub haroroan ni halak Jashub i; Simron haroroan ni halak Simron i.

²⁵I ma pinompar ni halak Isasar jala bilangannasida onompulu opat ribu tolu ratus halak toropna.

²⁶Ia angka anak ni si Zebulon marompuompu: Si Sered haroroan ni halak Sered i; si Elon haroroan ni halak Elon; si Jahlel haroroan ni halak Jahlel.

²⁷I ma pinompar ni halak Zebulon jala bilangannasida i onompulu ribu lima ratus halak toropna.

²⁸Ia angka anak ni si Josep marompuompu: Si Manasse dohot si Epraim.

²⁹Ia angka anak ni si Manasse: Si Mahir haroroan ni halak Mahir; si Mahir huhut manubuhon si Gilead haroroan ni halak Gilead i. [245†]

³⁰On do angka anak ni si Gilead. Si Ieser haroroan ni halak si Ieser i; Helek haroroan ni halak Helek i.

³¹Si Asriel haroroan ni halak Asriel; si Sikem haroroan ni halak Sikem i.

³²Si Semida haroroan ni halak Semida i, si Heper haroroan ni halak Heper i.

³³Alai anggo si Zelapehat, anak ni si Heper ndang tubuan anak holan boru do, angka na margoar: Si Mala, si Noah, si Hoglah, si Milka dohot si Tirza. [246†]

³⁴I ma pinompar ni si Manasse jala bilangannasida i limapulu dua ribu pitu ratus halak toropna.

³⁵On do angka anak ni si Epraim marompuompu: Si Sutelah, haroroan ni halak Sutelah i; si Beker haroroan ni halak Beker i; si Tahan haroroan ni halak Tahan i.

³⁶On do angka anak si Sutelah: Si Eran haroroan ni halak Erani.

³⁷Jala on do pinompar ni halak Epraim jala bilangannasida i tolupulu dua ribu lima ratus halak toropna. I ma angka anak ni si Josep marompuompu.

³⁸Angka anak ni si Benjamin marompuompu: Si Bela haroroan ni halak Bela; si Asbel haroroan ni halak Asbel; si Ahiram haroroan ni halak Ahiram i.

³⁹Si Sheshupam haroroan ni halak Sheshupam i; si Hupham haroroan ni halak Hupham i.

⁴⁰Ia angka anak ni si Bela: Si Ared dohot si Naaman, haroroan ni halak Ared dohot Naaman i.

⁴¹On do pinompar ni si Benjamin marompuompu jala bilangannasida i opatpulu lima ribu onom ratus halak toropna.

⁴²On do angka anak ni si Dan marompuompu: Si Suham haroroan ni halak Suham i. I ma angka pinompar ni Dan marompuompu.

⁴³Jala bilangan ni saluhut halak Suham i onompulu opat ribu opat ratus halak toropna.

⁴⁴Ia angka anak ni si Aser marompuompu: Si Innah haroroan ni halak Jimnai; si Isvi haroroan ni halak Isvi i; si Beria haroroan ni halak Beria.

⁴⁵Ia angka anak ni si Beria: Si Heber haroroan ni halak Heber i; si Malkiel haroroan ni halak Malkieli.

⁴⁶Ia goar ni boru ni si Aser, i ma si Zerah.

⁴⁷On do pinompar ni angka anak ni si Aser, jala bilangannasida i limapulu ribu opat ratus halak toropna.

⁴⁸Ia angka anak ni si Naptali marompuompu: Si Jahrel haroroan ni halak Jahrel; si Guni haroroan ni halak Guni.

⁴⁹Si Jeser haroroan ni halak Jeser i; si Shillem haroroan ni halak Shillem i.

⁵⁰I ma pinompar ni si Naptali marompuompu jala bilangannasida i opatpulu lima ribu opat ratus halak toropna.

⁵¹I ma bilangan ni halak Israel sudena onom ratus sada ribu pitu ratus tolupulu halak toropna. II.

⁵²Dung i ro muse hata ni Jahowa tu si Musa songon on.

⁵³Ingkon tu halak on do bagion tano i bahen partalianna marguru tu bilangan ni goargoar.

⁵⁴Molo torop halak bilanganna, ingkon pagandaonmu partalianna, molo otik paotihonmu huhut partalianna; ganup tahe marguru tu bilanganna lehonon partalianna.

⁵⁵Alai tahe ingkon marhite sian rujiruji bagion tano i, ingkon marguru tu goargoar ni marga marompu ompu nasida maruli partalian. [247†]

⁵⁶Ingkon marguru tu rujiruji sagion partalianna be manang na torop bilanganna, manang na otik.

⁵⁷Jala on do bilangan ni halak Lepi marompuompu: Si Gerson haroroan ni halak Gerson i; si Kohat haroroan ni halak Kohat i; si Merari haroroan ni halak Merari. [248†]

⁵⁸Jala on do pinompar ni si Lepi: Pinompar ni halak Libni, pinompar ni halak Hebron i, pinompar ni halak Mahli, pinompar ni halak Musi, pinompar ni halak Kora i. Alai anggo si Kohat manubuhon si Amram.

⁵⁹Ia goar ni jolma ni si Amram, i ma si Jokhebed, boru ni si Lepi, na tinubuhon ni si Lepi di Misir. Si Jokhebed muse manubuhon di si Amram: Si Aron, si Musa dohot si Miryam, ibotonasida i.

⁶⁰Ia tabu ni si Aron muse: Si Nadab, si Abihu, si Eleasar dohot si Itamar.

⁶¹Alai tibu do mate anggo si Nadab dohot si Abihu, uju na binoannasida i api sileban tu adopan ni Jahowa. [249†]

⁶²Ianggo toropnasida luhutna, duapulu tolu ribu halak sudena baoa, olat ni na marumur sabulan dohot lobi sian i; ndang dohot nasida tarbilang tu tongatonga ni halak Israel, ala so maruli partalian nasida di tongatonga ni halak Israel.

⁶³On do bilangan ni halak Israel, angka na binilang ni si Musa dohot malim Eleasar di adaran Moab, martopihon Jordan, tondong ni Jeriko.

⁶⁴Jala di tongatonga ni saluhutna i ndang adong nanggo sahalak sian angka na binilang ni si Musa dohot malim Aron na jolo, angka na mamilangi halak Israel uju di halongonan Sinai i. [250†]

⁶⁵Ai nunga dilumbahon Jahowa hian tu nasida: Ingkon mate nasida di halongonan! Jadi ndang adong teba sian nasida nanggo sahalak, nda holan si Kaleb, anak ni si Jepune dohot si Josua, anak ni si Nun. [251†]