Read Batak Toba 4 MUSA 7 Bible Online

4 MUSA 7 - Batak Toba bible

4 MUSA 7

¹I. [1] Jadi dung jumpang ari hasisidungna naung pinajongjong ni si Musa undungundung i, naung miniahanna dohot naung pinarbadiaanna ro di saluhut ulaulana, sun miniahanna dohot pinarbadiaanna nang langgatan i ro di sandok ulaulana. [56†]

²Jadi diboan angka induk ni Israel, angka ihutan marompuompu, nasida angka induk marmargamarga, angka na manguluhon halak na tarbilangi.

³Diboan nasida ma tutu angka peleannasida i tu adopan ni Jahowa: Onom hureta marhulambu dohot sampulu dua lombu, duadua induk sada hureta jala salombu be ganup induk, jala diboan nasida do i jumonok tu adopan ni undungundung i.

⁴Dung i ro muse hata ni Jahowa tu si Musa songon on:

⁵Jalo ma luhutna i sian nasida, asa masuk angka i tu ulaon di undungundung parluhutan i, jala pasahat ma i tu halak Lepi, tu ganup hombar tu ulaonna be.

⁶Jadi dijalo si Musa ma angka hureta dohot lombu i jala dipasahat ma i tu halak Lepi.

⁷Dua hureta dohot opat lombu dipasahat tu angka anak ni si Gerson, hombar tu ulaonnasida i.

⁸Jala opat hureta dohot ualu lombu dipasahat tu angka anak ni si Merari, hombar tu ulaonnasida i, marpandapotan tu si Itamar, anak ni malim Aron. [57†]

⁹Alai anggo tu angka anak ni si Kohat, ndang agia aha dilehon, ala nasida panahatan ni ulaon di inganan na badia i, ingkon usungonnasida do i di abarana. [58†]

¹⁰Jadi laos dipelehon angka induk i ma peleanna be laho pasahathon langgatan i di ari uju pamiahanna, laos diboan angka induk i do peleannasida i jumonok tu adopan ni langgatan i. [59†]

¹¹Dung i ninna Jahowa ma tu si Musa: Ingkon sasahalak induk i di arina be mamboan peleanna laho pasahathon langgatan i. [60†] II.

¹²Jala na mamelehon peleanna di ari parjolo, i ma si Nahason, anak ni si Aminadab, sian marga Juda. [61†]

¹³Ia peleanna i sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

¹⁴Sada saoan sian sere sampulu sekkel dokdokna, gok daupa.

¹⁵Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

¹⁶Sada hambing tunggal bahen pelean pardosaon.

¹⁷Dua lombu, lima birubiru tunggal, lima hambing tunggal dohot lima anak ni birubiru ma marumur sataon bahen pelean hamauliateon. I ma pelean ni si Nahason, anak ni si Aminadab.

¹⁸Di ari paduahon mamelehon Natanael, anak ni si Zuar, ihutan ni halak Isasar. [62†]

¹⁹Pelean pinelehonna i i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

²⁰Sada saoan sian sere sampulu sekkel dokdokna, gok daupa.

²¹Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

²²Sada hambing tunggal bahen pelean pardosaon.

²³Dua lombu, lima birubiru tunggal, lima hambing tunggal dohot lima anak ni birubiru, na marumur sataon bahen pelean hamauliateon. I ma pelean ni si Natanael, anak ni si Zuar.

²⁴Di ari patoluhon mamboan peleanna ihutan ni halak Zebulon, i ma si Eliab, anak ni si Helon. [63†]

²⁵Pelean binoanna i, i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak, bahen pelean sipanganon.

²⁶Sada saoan sian sere sampulu sekkel dokdokna, gok daupa.

²⁷Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

²⁸Sada hambing tunggal bahen pelean pardosaon.

²⁹Dua lombu, lima birubiru tunggal, lima hambing tunggal dohot lima anak ni birubiru, na marumur sataon bahen pelean hamauliateon. I ma pelean ni si Eliab, anak ni si Helon.

³⁰Di ari paopathon mamboan peleanna ihutan ni halak Ruben, i ma si Elizur, anak ni si Sedeur. [64†]

³¹Pelean binoanna i i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

³²Sada saoan sian sere sampulu sekkel dokdokna, gok daupa.

³³Sada anak ni lombu, sada birubiru tunggal, sada anak ni birubiru, na marumur sataon bahen pelean situtungon.

³⁴Sada hambing tunggal bahen pelean pardosaon.

³⁵Dua lombu, lima birubiru tunggal, lima hambing tunggal dohot lima anak ni birubiru, na marumur sataon bahen pelean hamauliateon. I ma pelean ni si Elizur, anak ni si Sedeur.

³⁶Di ari palimahon mamboan peleanna ihutan ni halak Simeon, i ma si Selumiel, anak ni si Zurisaddai. [65†]

³⁷Pelean binoanna i i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

³⁸Sada saoan sian sere sampulu sekkel dokdokna, gok daupa.

³⁹Sada anak ni lombu, sada birubiru tunggal, sada anak ni birubiru, na marumur sataon bahen pelean situtungon.

⁴⁰Sada hambing tunggal bahen pelean pardosaon.

⁴¹Dua lombu, lima birubiru tunggal, lima hambing tunggal dohot lima anak ni birubiru, na marumur sataon bahen pelean hamauliateon. I ma pelean ni si Selumiel anak ni si Zurisaddai.

⁴²Di ari paonomhon mamboan peleanna ihutan ni halak Gad, i ma si Eliasap, anak ni si Deuel. [66†]

⁴³Pelean binoanna i i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

⁴⁴Sada saoan sian sere, sampulu sekkel dokdokna, gok daupa.

⁴⁵Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

⁴⁶Sada hambing tunggal bahen pelean pardosaon.

⁴⁷Dua lombu, lima birubiru tunggal, lima hambing tunggal dohot lima anak ni birubiru na marumur sataon bahen pelean hamauliateon. I ma pelean ni si Eliasap, anak ni si Deuel.

⁴⁸Di ari papituhon mamboan peleanna ihutan ni halak Epraim, i ma si Elisama, anak ni si Amihud. [67†]

⁴⁹Pelean binoanna i i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

⁵⁰Sada saoan sian sere sampulu sekkel dokdokna, gok daupa.

⁵¹Sada anak ni lombu, sada birubiru tunggal, sada anak ni birubiru, na marumur sataon bahen pelean situtungon.

⁵²Sada hambing tunggal bahen pelean pardosaon.

⁵³Dua lombu, lima birubiru tunggal, lima hambing tunggal dohot lima anak ni birubiru na marumur sataon bahen pelean hamauliateon. I ma pelean ni si Elisama, anak ni si Amihud.

⁵⁴Di ari paualuhon mamboan peleanna ihutan ni halak Manasse, i ma si Gamaliel, anak ni si Pedazur.

⁵⁵Pelean binoanna i i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

⁵⁶Sada saoan sian sere sampulu sekkel dokdokna, gok daupa.

⁵⁷Sada anak ni lombu, sada birubiru tunggal, sada anak ni birubiru, na marumur sataon bahen pelean situtungon.

⁵⁸Sada hambing tunggal bahen pelean pardosaon.

⁵⁹Dua lombu, lima birubiru tunggal, lima hambing tunggal dohot lima anak ni birubiru, na marumur sataon bahen pelean hamauliateon. I ma pelean ni si Gamaliel, anak ni si Pedazur.

⁶⁰Di ari pasiahon mamboan peleanna ihutan ni halak Benjamin, i ma si Abidan, anak ni si Gidion i. [68†]

⁶¹Pelean binoanna i, i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

⁶²Sada saoan sian sere sampulu sekkel dokdokna, gok daupa.

⁶³Sada anak ni lombu, sada birubiru tunggal, sada anak ni birubiru, na marumur sataon bahen pelean situtungon.

⁶⁴Sada hambing tunggal bahen pelean pardosaon.

⁶⁵Dua lombu, lima birubiru tunggal, lima hambing tunggal dohot lima anak ni birubiru, na marumur sataon bahen pelean hamauliateon. I ma pelean ni si Abidan, anak ni si Gidion i.

⁶⁶Di ari pasampuluhon mamboan peleanna ihutan ni halak Dan, i ma si Ahieser, anak ni si Amisaddai. [69†]

⁶⁷Pelean binoanna i, i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak, bahen pelean sipanganon.

⁶⁸Sada saoan sian sere sampulu sekkel dokdokna, gok daupa.

⁶⁹Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

⁷⁰Sada hambing tunggal bahen pelean pardosaon.

⁷¹Dua lombu, lima birubiru tunggal, lima hambing tunggal dohot lima anak ni birubiru na marumur sataon bahen pelean hamauliateon. I ma pelean ni si Ahieser, anak ni si Amisaddai.

⁷²Di ari pasampulusadahon mamboan peleanna ihutan ni halak Aser, i ma si Pagiel, anak ni si Okran. [70†]

⁷³Pelean binoanna i, i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

⁷⁴Sada saoan sian sere sampulu sekkel dokdokna, gok daupa.

⁷⁵Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

⁷⁶Sada hambing tunggal bahen pelean pardosaon.

⁷⁷Dua lombu, lima birubiru tunggal, lima hambing tunggal dohot lima anak ni birubiru na marumur sataon bahen pelean hamauliateon. I ma pelean ni si Pagiel, anak ni si Okran.

⁷⁸Di ari pasampulu duahon mamboan peleanna ihutan ni halak Naptali, i ma si Ahira, anak ni si Enan. [71†]

⁷⁹Pelean binoanna i, i ma sada saoan perak, saratus tolupulu sekkel dokdokna; sada mangkuk pamispisan sian perak, pitupulu sekkel dokdokna, marguru tu sekkel di inganan na badia i; duansa i gok dohot itak na lamot, na nidogil dohot miak bahen pelean sipanganon.

⁸⁰Sada saoan sian sere sampulu sekkel dokdokna, gok daupa.

⁸¹Sada anak ni lombu, sada birubiru tunggal, sada anak ni birubiru na marumur sataon bahen pelean situtungon.

⁸²Sada hambing tunggal bahen pelean pardosaon.

⁸³Dua lombu, lima birubiru tunggal, lima hambing tunggal dohot lima anak ni birubiru na marumur sataon bahen pelean hamauliateon. I ma pelean ni si Ahira, anak ni si Enan. III.

⁸⁴On do pelean laho pasahathon langgatan di ari pamiahionna sian angka ihutan ni Israel sampulu dua saoan perak, sampulu dua mangkuk pamispisan sian perak, sampulu dua saoan sere.

⁸⁵Saratus tolupulu sekkel perak dokdok ni saoan i sadasada, jala pitupulu sekkel dokdok ni mangkuk pamispisani sadasada, asa dokdok ni saluhut perak tu angka ulaula i dua ribu opat ratus sekkel marguru tu sekkel di inganan na badia i.

⁸⁶Sampulu dua saoan sere, angka na gok daupa, sampulu sekkel dokdokna sadasada, marguru tu sekkel di inganan na badia i, asa dokdok ni saluhut sere tu angka saoan i saratus duapulu sekkel.

⁸⁷Saluhut pinahan bahen pelean situtungon, i ma sampulu dua lombu, sampulu dua birubiru tunggal, sampulu dua anak ni birubiru na marumur sataon rap dohot peleanna sipanganon dohot sampulu dua hambing tunggal bahen pelean pardosaon.

⁸⁸Ia torop ni angka pinahan bahen pelean hamauliateon, i ma duapulu opat anak ni lombu, onompulu birubiru tunggal, onompulu hambing tunggal, onompulu anak ni birubiru na marumur sataon. I ma angka pelean laho pasahathon langgatan i, dung sidung dimiahi.

⁸⁹Dung i di na masuk si Musa tu bagasan undungundung parluhutan i, naeng mangkatai dohot Jahowa, sai tangkas do dibege soara ni Jahowa, na mangkatai dohot ibana sian langkop pardengganan, na di atas ni poti panindangion i di holangholang ni kerubim na dua i, sian i mangkatai Jahowa tu ibana. [72†]