Read Batak Toba PANURIRANG MIKA 3 Bible Online

PANURIRANG MIKA 3 - Batak Toba bible

PANURIRANG MIKA 3

¹I. [1] Dung i hudok ma: Ua tangihon hamu ma ale angka induk ni Jakkob dohot hamu ale angka panguhum ni pinompar ni Israel! Nda tama ma ingkon botoonmuna uhum? [18†]

²Hamu angka na mangkagigihon na denggan, jala mangapian di na roa, angka na mambobahi hulingkulingnasida sian dagingna dohot na mambilbil sibuk sian holiholinasida. [19†]

³Hamu angka * na manohali sibuk ni bangsongku, jala dibobahi hulingkulingnasida sian nasida, jala diponggolhon holiholinasida, jala dijaljali songon di bagasan hudon, songon sibuk di tongatonga ni balanga. [20†]

⁴Disi ma nasida joujou tu Jahowa, alai ndang alusanna nasida, jala hungkupanna bohina maradophon nasida di tingki uju i, hombar tu pambahenannasida angka na jahat i. [21†] II.

⁵Songon on do hata ni Jahowa dompak panurirang, angka na mangaliluhon bangsongki, angka na maningtingkon dame molo adong sihilhilon ni iponnasida, alai manang ise na so margugu panganonnasida, marmusumusu nasida dompak ibana. [22†]

⁶Dibahen i lia sian pangungkapon do borngin di hamu, jala lia sian pangarundingon hagolapon di hamu; gari mata ni ari sundut do di atas ni angka panurirang, jala holom marimpotimpot ia arian di nasida. [23†]

⁷Jadi murak ma angka pangarunding, jala maila angka partondung, saluhut nasida mangkuphupi misena, ai ndang adong ro paraluson sian Debata.

⁸Alai anggo ahu gok gogo do, gok Tondi ni Jahowa dohot uhum dohot hatogaon paboahon tu Jakkob pangalaosionna, dohot tu Israel dosana. [24†] III.

⁹Antong tangihon ma on hamu ale angka induk ni pinompar ni si Jakkob dohot hamu angka panguhum ni pinompar ni si Israel, angka na marbiasbias di uhum, jala dipapeol nasa hatigoran. [25†]

¹⁰* Angka na pauli Sion marhitehite mudar dohot Jerusalem marhitehite hageduhon. [26†]

¹¹* Manjalo sisip angka induknasida mandabu uhum, jala manjalo upa mangajari malim nasida, jala manjalo perak panurirangnasida mangarundingi, laos mangasahon Jahowa dope nasida, ninna do: + Nda Jahowa do di tongatonganta? Ndang tagamon ro hamagoan tu hita! [27†]

¹²Dibahen i ala hamu * ninggala on do Sion sogot songon hauma tur, jala Jerusalem gabe timbunan batu, jala dolok ojahan ni joro i gabe tombak. [28†]