Read Batak Toba PANURIRANG MIKA 5 Bible Online

PANURIRANG MIKA 5 - Batak Toba bible

PANURIRANG MIKA 5

¹I. [1] Alai anggo ho, * ale Betlehem Eprata, mametmethu do ho nian anggo tung pola jujuron tu angka huta marriburibu di Juda; hape sian ho do haroroan ni na gabe panggomgomi di Israel, jala + angka haroroanna sian na nahinan, sian angka ari na robi salelenglelengna. [39†]

²Dibahen i pasahatonna ma nasida sahat ro * di tingki pangintubuan ni na manubuhon, jala + mulak pasipasi ni angka hahaanggina tu angka anak ni Israel. [40†]

³Alai jongjong anggo ibana, jala * marmahan mangasahon gogo ni Jahowa, marhitehite hamuliaon ni goar ni Jahowa Debatana; jadi maringan ma nasida, ai timbul ma ibana disi ro di angka ujung ni tano on. [41†]

⁴Jala * ibana gabe hadameon; molo naeng ro Assur tu tanonta, molo naeng luntahonna bagasta angka na bolon i, jadi patindangonta ma mangalo ibana pitu parmahan dohot ualu induk ni jolma. [42†]

⁵Jadi suda gagatonnasida tano Assur marhitehite podang dohot tano ni si Nimrod di bagasan harbanganna. Jadi ibana ma paluahon hita sian Assur molo ro naeng sumola tanonta, jala naeng degeonna partalpahanta.

⁶Jadi sobokkon nambur sian Jahowa ma pasipasi ni Jakkob di tongatonga ni torop angka bangso, jala * songon udan na manetehi tu duhutduhut, na so maimaima di jolma, manang di angka anak ni jolma. [43†]

⁷Alai huhut muse pasipasi ni Jakkob di tongatonga ni angka bangso parbegu, di tongatonga ni torop angka bangso, songon singa di tongatonga ni binatang angka na di tombak, songon singa panoro di tongatonga ni angka punguan ni birubiru, molo dibolus, * gabe dilotongi jala disoro, ndang adong na paluahon. [44†]

⁸Jadi timbul ma tanganmu di atas ni angka na manosak ho, jala siap nasa musum.

⁹Di ari na sasada i, ninna Jahowa, siaphononku ma angka hodam sian tongatongami, jala agoonku angka huretam. [45†] II.

¹⁰Siaphononku ma dohot angka huta bolon ni tanom, jala gargaronku nasa hutam angka na gonting i.

¹¹Jala pansingkononku angka utiutian sian tanganmu, jala ndang adong be di ho pangarunding.

¹²Jala siaphononku ma ganaganaan ni angka na niuhirmi dohot ganaganaan angka na tinuangmi sian tongatongami, jadi ndang be ho marsomba tu jadijadian ni tanganmu. [46†]

¹³Jala uratanku ma angka sombaonmi sian tongatongam, jala siaphononku angka hutam.

¹⁴Jala bahenonku ma partubolan di bagasan parpiar ni rimashu tu angka bangso parbegu, angka na so tumangihon ahu.