Read Batak Toba PANURIRANG MIKA 6 Bible Online

PANURIRANG MIKA 6 - Batak Toba bible

PANURIRANG MIKA 6

¹I. [1] Ua tangihon hamu ma na nidok ni Jahowa: Borhat ma ho marbada * dompak angka dolok, asa dibege angka dolokdolok soaram. [47†]

²Tangihon ma, hamu ale angka dolok, parbadaan ni Jahowa, hamu pe ojahan ni tano on, angka na hoti, ai * marparbadaan do Jahowa dohot bangsona, jala naeng masitariasan ibana dohot Israel. [48†]

³Aha do uhumhu na sega tu ho, ale bangsongku? Marhitehite aha tahe ho hulojai? Alusi ma ahu! [49†]

⁴Ala na hutogihon i ho ulaning ruar sian tano Misir, jala hupalua ho sian bagas parhatobanan i? Husuru si Musa, si Aron dohot si Miriam manguluhon ho? [50†]

⁵Sai ingot ale bangsongki, na tinahi ni * si Balas, raja sian Moab dohot alus ni si Bileam, anak ni si Beor, tu ibana; angka na masa olat ni Sitim pe sahat ro di + Gilgal, asa tung ditanda ho angka habonaron ni Jahowa. [51†] II.

⁶Marhitehite aha tarbahen ahu mandapothon Jahowa, marsomba ahu tu Debata na di ginjang? * Marhitehite angka pelean situtungon ulaning ahu manjumpangkon ibana marhitehite anak ni lombu, angka na marumur sataon ulaning? [52†]

⁷Lomo do ulaning roha ni Jahowa mida hambing tunggal marriburibu? Manang mida angka sunge miak marloksaloksa? Lehononku do ulaning anak buhabajungku abul ni pangalaosingki? Parbue ni butuhangku ulaning abul ni dosa ni rohangku?

⁸Nunga dipabotohon ibana tu ho, ale jolma manang aha na denggan, jala manang aha * na niluluan ni Jahowa sian ho, nda holan + na mangulahon uhum dohot holong ni roha di habasaon, jala marpangalaho haserepon maradophon Debatam. [53†] III.

⁹Joujou do suara ni Jahowa tu huta i, jala hatuaon do na tinembak ni goarmu. Tangihon hamu ma linsinglinsing dohot ibana na mangalumbahonsa.

¹⁰Nda tong dope adong di jabu ni halak parjahat angka arta hajahaton, dohot * ampang na mametmethu, naung pinulasan hian? [54†]

¹¹Tung tarbahen ahu ma marsombusombu mida hatian hajahaton dohot mida batu timbangan ni pangansion di bagasan puro? [55†]

¹²Ala gok hadoboon halak na mora di bagasan huta i, jala pangisina i mangkatahon gabus, jala sipaotooto do dilanasida di bagasan pamangannasida. [56†]

¹³Ahu pe antong matemate ne ho bunuonku, jala tarulang ho bahenonku ala ni dosam.

¹⁴* Mangan pe ho, hape ndang butong jala haraparonmu maringan di bagasan butuham, jala na niluahonmu, laos so malua, jala na pinaluam pasahatonku do tu podang. [57†]

¹⁵Manabur pe ho hape ndang adong gotilonmu; mardege parbue ni jetun pe ho, hape ndang jadi miahanmu ho dohot miak nang mangilang parbue ni anggur ho, ndang jadi inumonmu anggur i. [58†]

¹⁶Ai diradoti hamu angka * patik ni si Omri ro di nasa jadijadian ni pinompar ni si Ahab, jala mardalan hamu mangihuthon angka sangkapnasida, ala ni pasahatonku ma ho gabe tarulang jala pangisina i gabe sirehereheon, ia haurahon ni bangsongku: Ingkon hamu do mangusungsa. [59†]