Read Batak Toba PANURIRANG HABAKUK 2 Bible Online

PANURIRANG HABAKUK 2 - Batak Toba bible

PANURIRANG HABAKUK 2

¹I. [1] Di atas panatapanku do ahu jongjong, jala tindang ahu tu partanobatoan, jala manatapnatap ahu marnida manang aha sidohononna tu ahu, jala manang aha alusna taringot tu alualungku. [7†]

²Jadi ninna Jahowa mangalusi ahu: Surathon ma pangungkapon i, jala uhirhon tu angka batu panuratan, asa tangkas tarjaha nang pamolus. [8†]

³Ai taringot tu tingki sogot dope pangungkapon i, jala hapogan mareahi ujung, jala ndang margabus. Tung sura pe lumemba, sai paimaima ma i, ai sai na ro do sogot * ndang tagamon tartading. [9†]

⁴Ida ma na teal do ibana, * ndang tigor rohana di bagasan; alai anggo halak partigor i + mangolu do binahen ni parsihohotna marhaporseaon. [10†] II.

⁵Tongon tahe, pangoseose do ianggo * anggur, jungkat do baoa i, dibahen ndang marparadianan; + diparuak do butuhana songon parbeguan, jala songon hamatean do ibana, na so olo mahap, dipapungupungu tu ibana saluhut angka bangso, jala dipaluhut tu ibana sude angka marga. [11†]

⁶Nda saluhut nasida an marumpama taringot tu ibana, marende aling jala marhulingkulingan taringot tu ibana? Dohononna do: Marjea ma manang ise na pagukguk manang aha, so ibana nampunasa; sadia leleng on tagamon? Tung na padokdok utang tu ibana do ibana disi.

⁷Nda sompong ma hehe tagamon angka na pasipalsipal ho, jala tarsunggul halak angka na mangarupa ho? Gabe tabannasida ma ho.

⁸Ala nunga ditaban ho torop angka bangso parbegu: * Jadi tabanon ni nasa pasipasi ni angka bangso i ma ho, + ala ni sapata ni mudar ni jolma na durus dohot ala hadoboon di tano i, dohot di huta ro di pangisina i sudena. [12†]

⁹Marjea ma manang ise na marpangomoan hajahaton tu jabuna, naeng mambahen asarna di ginjang, laho maporus maradophon tangan ni halak parjahat. [13†]

¹⁰Nunga ditahi ho haurahon tu jabum, maniaphon torop angka bangso, hape nunga dapotan dosa anggo tondim.

¹¹Ai joujou do nang batu sian dorpi, jala urur sian tarup ni jabum mangalusi ibana. [14†]

¹²Marjea ma * manang ise na pauli huta marhitehite mudar, jala diojakkon huta i marhitehite hageduhon. [15†]

¹³Ida ma, nda sian Jahowa Zebaot haroroanna, marngalutan pe angka marga, laho papanganhon tu api do, mandate pe angka bangso, humongkop na soada do? [16†]

¹⁴Ai * gok parbinotoan di hamuliaon ni Jahowa do sogot tano on, songon pangkuphupi ni aek di tondolan ni laut. [17†]

¹⁵Marjea ma manang ise na painum donganna, mangusehon parpiar ni rimasmu, huhut pamabukkon ibana naeng marnida parsaemaraonna. [18†]

¹⁶Ho pe ingkon hamahaphononmu ma haurahon gumodang sian hasangapon. Minum ma dohot ho, jala pasalang ma ho, tu ho ma sumuang * marliat panginuman sian tangan siamun ni Jahowa jala utauta haleaon ali ni hasangaponmu. [19†]

¹⁷Ai * hadoboon binahenmu tu Libanon lingkup tu ho dohot hasisiap binahen ni binatang na nilelena, ala sapata ni mudar tu jolma dohot hadoboon tu tano i dohot tu huta ro di pangisina i sudena. [20†]

¹⁸Tung aha ma guna ni ganaganaan na niuhir ni pandena? Ganaganaan na tinuang pe ro di guru pargapgap, umbahen tung marhaposan pande i tu jadijadianna sandiri, laho mambahen ganaganaan angka na mangungu. [21†]

¹⁹Marjea ma manang ise na mandok tu hau: Ngot ma ho! Hehe ma ho, ale batu na mangungu! Tung tarbahen ibana ma mangajari? Ida ma, * na nilampis do ibana dohot sere dohot perak, apus pe hosa, so adong di bagasan ibana. [22†]

²⁰Alai * di bagasan joro habadiaonna do anggo Jahowa: Ingkon + hohom ma maradophon ibana sandok tano on. [23†]