Read Batak Toba PANURIRANG SAKARIA 11 Bible Online

PANURIRANG SAKARIA 11 - Batak Toba bible

PANURIRANG SAKARIA 11

¹I. [1] Ungkap ma bahalmu ale Libanon, asa suda dipangan api angka hau ares na di atasmu. [85†]

²Mangangguhi ma ho ale hariara, ai nunga marobo hau ares, nunga tartaba nasida angka na tongam. Mangangguhi ma hamu angka hariara di Basan, ai nunga marobo tombak longolongo. [86†]

³Tarbege do suara angguhangguk ni angka parmahan, ai nunga marobo hamuliaonnasida; tarbege do suara na marauang ni angka babiat na bajar, ai nunga mago hajagaron ni Jordan.

⁴Songon on do hata ni Jahowa Debatangku: Parmahan i ma birubiru sipotongon hian! [87†]

⁵Ai angka na manuhor nasida mamotongi nasida jala ndang pola sala di rohanasida jala angka na manggadis nasida muse mandok: Pinuji ma Jahowa, ai nunga mamora ahu. Sipormahan nasida pe ndang mangolani tu nasida. [88†]

⁶Dibahen i ahu pe ndang be olanangku angka isi ni tano on, ninna Jahowa! Ida ma, ahu sandiri pasahathon jolma i sadasada tu bagasan tangan ni donganna dohot tu tangan ni rajana, asa dipansingkon nasida tano on, jala ndang ahu paluahon sian tangannasida. II.

⁷Jadi ahu ma marmahan birubiru sipotongon hian, ala ni * birubiru angka na dangol i. Dung i hubuat ma di ahu dua batahi; na sada hugoar haholongan, na sada nari hugoar harosuon. Jadi laos ahu ma marmahan angka birubiru i. [89†]

⁸Jadi husiaphon ma parmahan sitolutolu i di bagasan sabulan, ai biasan rohangku mida nasida, rohanasida pe antong biasan do mida ahu. [90†]

⁹Jadi ningku ma: Ndang olo be ahu marmahan hamu: Mate tusi na mate! Siap tusi na siap i! Jala na teba i dipangan be tusi sibuk ni donganna. [91†] III.

¹⁰Dung i hubuat ma batahingku haholongan, jala huponggolhon laho manait padanhu, na hubahen i tu saluhut angka bangso.

¹¹Jadi mose ma padani di na sadari i. Dung i mamoto ma * birubiru angka na dangol i, angka na mangaranap tu ahu, hata ni Jahowa do i hape. [92†]

¹²Jadi ningku ma tu nasida: Molo denggan di rohamuna, lehon tu ahu upangku, alai molo ndang, ba jua hamu tusi. Jadi didasing nasida ma upangki * tolupulu rupia. [93†]

¹³Dung i didok Jahowa ma tu ahu: Reongkon ma i tu sitopa hudon, jagar ma asami, na niasamnasida ahu. Jadi hubuat ma na * tolupulu rupia i, jala hutimpalhon ma i tu bagasan joro ni Jahowa lehonon tu sitopa hudon i. [94†]

¹⁴Dung i huponggolhon ma batahingku na paduahon i ma harosuan i, laho manirang * pardongan saripeon sabutuhaon ni Juda tu Israel. [95†]

¹⁵Dung i ninna Jahowa ma tu ahu: Buat sahalinari di ho ulaula ni sada parmahan na oto.

¹⁶Ai ida ma, ahu ma patindang sogot sada parmahan di tano on, ndang tingkironna angka na mago, jala ndang luluanna na lilu, jala ndang daonanna na ginosagosa, jala ndang parmuduonna na hot jongjong; alai anggo sibuk ni na mokmok suda panganonna, jala hiskisonna ia sisilonnasida. [96†]

¹⁷Marjea ma parmahan na so marguna, na olo manadingkon birubiru i! Manginona ma podang tu botohonna dohot tu matana siamun i! Malos situtu ma botohonna, jala lotop matana siamun i.