Read Batak Toba PANURIRANG SAKARIA 12 Bible Online

PANURIRANG SAKARIA 12 - Batak Toba bible

PANURIRANG SAKARIA 12

¹On ma hata lumbalumba ni Jahowa dompak Israel. I. [1] Songon on ma hata ni Jahowa, * na paherbang langit jala na paojak tano on, jala na jumadihon tondi ni jolma di bagasan dirina. [97†]

²Ida ma ahu sandiri mambahen Jerusalem gabe * panginuman hamabuhon di saluhut angka bangso humaliang, sahat ibana huhut tu Juda di hatutungkum ni Jerusalem. [98†]

³Dung i masa ma di ari na sasada i, ahu sandiri mambahen Jerusalem gabe * batu pangujian gogo di saluhut angka bangso; nasa na naeng mangkindat maraprap bahenonna, jala marpungupungu naeng mangalo huta i + nasa bangso parbegu di tano on. [99†]

⁴Di ari na sasada i, ninna Jahowa: Jimbolangon ma bahenonku nasa hoda, jala jolma na mangkunduli lalaen ma. Alai anggo mida pinompar ni Juda mangaranap ma matangku; ianggo hoda ni angka bangso * papitungonku ma sudena. [100†]

⁵Dung i dohonon ni angka induk ni Juda ma di bagasan rohanasida: Bahen hagogoon di ahu do angka isi ni Jerusalem marhitehite Jahowa Zebaot Debatanasida i.

⁶Di ari na sasada i ahu sandiri mambahen angka induk ni Juda, songon hudon parapiapian di holangkolang ni soban, jala songon tulbu di holangkolang ni * tibalan, asa suda dipangan nasida saluhut angka bangso humaliang tungkan siamun dohot tungkan hambirang. Alai anggo Jerusalem hot do tongtong di ojahanna hian di Jerusalem. [101†]

⁷Jadi jumolo lehonon ni Jahowa tua tu angka undungundung ni Juda, asa unang manenganenga hamuliaon ni bagas ni si Daud dohot hamuliaon ni isi ni Jerusalem mangasta Juda.

⁸Di ari na sasada i Jahowa ma gabe partanobatoan humaliang isi ni Jerusalem, asa manang ise sian nasida * na tarsulandit di ari na sasada i, sobokkon si Daud jala pinompar ni si Daud tudoshon Debata, songon suruan ni Jahowa di adopannasida. [102†]

⁹Marlulu ma ahu di ari na sasada i mamansingkon saluhut bangso parbegu, angka na ro mamorang Jerusalem. [103†] II.

¹⁰Jadi * usehononku ma tu pinompar ni si Daud dohot tu isi ni Jerusalem tondi parasian dohot partangiangon, gabe ** paberengberengon nasida ma ahu, naung tinullang nasida; jala andungannasida ibana, songon pangandungion di anak sasada, jala habot situtu rohanasida taringot tu ibana songon habot ni roha mida + anak buhabaju. [104†]

¹¹Di ari na sasada i masa ma pangandungion bolon di Jerusalem, songon pangandungion uju di Hadadrimmon * di rura Megiddo. [105†]

¹²Mangandungi ma isi ni tano on: Marompuompu pulik be pinompar ni ompu ni si Daud pulik, jolma nasida pe pulik; pinompar ni ompu ni * si Natan pulik, jolmanasida pe pulik. [106†]

¹³Pinompar ni ompu ni si Lepi pulik, jolmanasida pe pulik; pinompar ni ompu ni si Simei pulik, jolmanasida pe pulik. [107†]

¹⁴Suang songon i sude pinompar ni ompu na asing, ganup ompu pulik be, jala jolmanasida pulik.