Read Batak Toba PANURIRANG SAKARIA 13 Bible Online

PANURIRANG SAKARIA 13 - Batak Toba bible

PANURIRANG SAKARIA 13

¹I. [1] Di ari na sasada i sogot adong ma * sada mual na talak di pinompar ni si Daud dohot di angka isi ni Jerusalem mamburi sude dosa dohot haramunon. [108†]

²Jala di ari na sasada i, masa ma, ninna Jahowa Zebaot: Ahu * mamansingkon nasa goargoar ni angka ganaganaan sian tano on, asa unang be dipaingotingot rohana; angka pangarunding pe dohot tondi haramunon pabalionku ma sian tano i. [109†]

³Jadi tung sura mangarundingi dope manang ise, dohonon ni amana dohot inana na manubuhon ibana ma tu ibana: * Ndang jadi be ho mangolu, ai nunga dihatahon ho gapgap marhitehite goar ni Jahowa! Pola tullangon ni amana dohot inana na mangintubui ibana di pangarundingonna i. [110†]

⁴Ai masa ma di ari na sasada i: Tarurak be ma angka panurirang marhite sian alatanna, dohot pangarundingonna i, gabe ndang be paruloshononna ulos parhadohoan sian * imput ni birubiru laho paotootohon. [111†]

⁵Lam dohononna be ma: * Ndang panurirang ahu, jolma siula tano do ahu, ai nunga adong jolma na tumuhor ahu sian sietehetehonku dope. [112†]

⁶Tung sura adong na mandok tu ibana: Bugang dia do i na di tanganmu? Gabe dohonon ma: Na dibugangi isi ni bagas haholonganku do ahu. [113†] II.

⁷Ngot ma ho, ale podang dompak parmahanku dohot dompak baoa sihasolhotangku ninna Jahowa Zebaot; * lombuti ma parmahan i, asa marserak angka birubiru, dung i patoltolonku ma tanganku manogu angka na metmet. [114†]

⁸Dung i masa ma di sandok tano on, ninna Jahowa ripashononhon do dua partolu isina, tung tos do hosana, alai tading do anggo na sapartolu isina i. [115†]

⁹Na sapartolu i pe togihononku do tu bagasan api, jala papitaonku nasida, songon pamita ni halak di perak, jala ujionku nasida, songon panguji ni halak di sere. * I ma na pajoujou goarhu sogot, jala alusanku ibana; dohononku ma: ** Bangsongku do i, ibana pe dohononna ma: Jahowa Debatangku. [116†]