Read Batak Toba PANURIRANG SAKARIA 2 Bible Online

PANURIRANG SAKARIA 2 - Batak Toba bible

PANURIRANG SAKARIA 2

¹I. [1] Dung i manaili ma ahu dompak ginjang, gabe huida ma opat tanduk.

²Dung i ningku ma tu suruan angkuphu mangkatai: Dia do lapatan ni angka on? Jadi didok ma tu ahu: I ma tanduk, angka naung paserak Juda, Israel dohot Jerusalem.

³Dung i dipaidahon Jahowa ma tu ahu opat halak panopa.

⁴Jadi ningku ma: Aha do huroha sibahenonnasida on umbahen na ro? Jadi didok ibana ma songon on: I ma tanduk, angka naung paserak Juda, pola ndang tarbahen manang ise padirgak uluna. Alai ro soluk angka nasida on laho manonggoti nasida, laho mangupokkon angka tanduk ni angka bangso parbegu, angka na paginjang tandukna dompak tano Juda laho paserakkonsa. II.

⁵Dung i manaili ahu muse dompak ginjang, asa huida, jadi ida ma, sada halak na patioptiop * sada hotang pamalok di bagasan tanganna. [10†]

⁶Jadi ningku ma: Naeng tudia ho laho? Dung i ninna ibana ma tu ahu: Naeng manuhati Jerusalem, naeng marnida manang sadia bohangna, jala sadia unjurna.

⁷Jadi ida ma, ruar ma suruan, angkuphu mangkatai hian; ruar muse sada suruan na asing manjumpangkon ibana.

⁸Jala didok tu ibana: Marlojong ma ho dok ma tu dolidoli on songon on: * Gabe adaran manardas ma Jerusalem dibahen hinadeak ni jolma dohot pinahan di tongatongana. [11†]

⁹Ai * ahu do, ninna Jahowa, gabe parik api humaliang huta i, jala ahu gabe + hamuliaon di tongatongana. [12†] III.

¹⁰Beta hamu antong! * Lintun ma hamu sian tano tungkan utara, ninna Jahowa, ai nunga hupaserak hamu tu desa na opat ni langit i, ninna Jahowa. [13†]

¹¹Beta antong, ale Sion, palua dirim, ho ale na maisolat di tano Babel.

¹²Ai songon on do hata ni Jahowa Zebaot: Naeng marmulia ibana umbahen disuru ahu tumopot bangso parbegu, angka na martaban hamu na jolo. Ai manang ise na manjama hamu, * anak ni matana jinamana disi. [14†]

¹³Ai ida ma, laluhononku ma tanganku tu nasida, asa gabe tabantaban nasida di halak na pinarhatobannasida nasailaon, asa tung ditanda hamu Jahowa Zebaot naung marsuru ahu.

¹⁴Marolopolop ma ho, jala marlas ni roha, ale boru Sion, ai ida ma, na ro ma ahu maringan di tongatongami, ninna Jahowa. [15†]

¹⁵Jadi * torop angka bangso parbegu marsilohot tu Jahowa di ari na sasada i, gabe bangsongku nasida, alai maringan do ahu anggo di tongatongami, asa tung diboto ho Jahowa Zebaot naung marsuru ahu manopot ho. [16†]

¹⁶Jadi ainon ni Jahowa muse Juda bahen partalianna di tano na badia i, jala * ulahanna mamillit Jerusalem. [17†]

¹⁷Hohom ma nasa sibuk maradophon Jahowa, ai nunga tarsunggul ibana sian inganan ni habadiaonna. [18†]