Read Batak Toba PANURIRANG SAKARIA 3 Bible Online

PANURIRANG SAKARIA 3 - Batak Toba bible

PANURIRANG SAKARIA 3

¹I. [1] Dung i dipataridahon ma tu ahu * si Josua, sintua ni malim i, tindang di jolo ni suruan ni Jahowa, jala + pangasung i tindang di lambung ni siamunna, mangasungi ibana. [19†]

²Jadi ninna Jahowa ma tu pangasung i: * Toruan ni Jahowa ma ho, ale pangasung! Hona hata ma ho tutu bahenon ni Jahowa, na mamillit Jerusalem! Nda + sipusipu do ibana on, na tinait sian api? [20†]

³Alai marulos angka na ramun do ianggo si Josua, songon i ibana tindang di jolo ni suruani. [21†]

⁴Jadi didok ibana ma manonai angka na jongjong di jolona songon on: Tanggali hamu ma ulos angka na ramuni sian ibana! Alai anggo tu ibana didok do: * Ida ma nunga hubuat sian ho hageduhonmu, jala + solukkononku ma tu ho, angka ulos na marhadohoan. [22†]

⁵Jadi ningku ma: Sapala dibahen nasida ma dohot * talitali na ias tu atas uluna. Jadi dibahen nasida ma talitali na ias tu atas uluna, jala disolukkon angka ulosi tu ibana, laos tindang anggo suruan ni Jahowa. [23†]

⁶Dung i dihatindangkon suruan ni Jahowa ma tu si Josua songon on:

⁷Boti hata ni Jahowa Zebaot: * Molo mardalan ho di angka dalanku, jala diradoti ho ** na hupasahat i tu ho, ingkon dohot ho manguhum jorongki ramotanmu dohot angka alamanku, + lehononku ma tu ho angka partogi sian nasida, angka na tindang dison. [24†] II.

⁸Ua tangihon ma, ale Josua, sintua ni malim, ho dohot alealem angka na hundul di jolomi, ai angka baoa * tudosan do nasida, ai ida ma, paroonku ma naposongku + si Tumbur. [25†]

⁹Ai ida ma, * batu naung hupeakhon i di jolo ni si Josua, + pitu mata di atas ni batu na sasada i; ida ma, laos ahu sandiri mangungkap ruangna, ninna Jahowa Zebaot, jala ahu mangunsat hajahaton ni tano on di ari na sasada i. [26†]

¹⁰Laos di na sadari i, ninna Jahowa Zebaot, * pioonmuna, ma ganup alealemuna be marlinggom tu toru ni hau anggurna dohot tu toru ni hau antajauna. [27†]