Read Batak Toba PANURIRANG SAKARIA 4 Bible Online

PANURIRANG SAKARIA 4 - Batak Toba bible

PANURIRANG SAKARIA 4

¹I. [1] Dung i mulak ma suruan, angkuphu mangkatai, jala disunggul ahu, songon baoa na sinunggul sian na modom.

²Dung i didok ma tu ahu: * Aha do na niidam? Jadi ningku ma: Nunga maralatan ahu, jadi huida ma sada + parpalitoan sere mamolin, jala parmiahan na di atas uluna jala pitu palitona di atasna, pitu be dangka pangindingan tu palito, angka na di atas uluna. [28†]

³Jala dua hau jetun di ginjangna, sada tungkan siamun ni parmiahan, jala sada tungkan hambirangna.

⁴Dung i ningku ma usouso tu suruan, angkuphu mangkatai: Aha do lapatan ni angka on, ale tuangku?

⁵Dung i ninna suruan, angkuphu mangkatai, mangalusi ahu: Ndang diboto ho lapatan ni angka on? Alai ningku ma: Ndang, ale tuangku.

⁶Dung i ninna ibana ma mangalusi ahu; on ma hata ni Jahowa tu * si Serubabel, ndada marhitehite parangan jala ndada marhitehite gogo sian diri, ingkon + marhite sian Tondingku do saut ninna Jahowa Zebaot. [29†]

⁷Tung ise do ho, ale dolok na bolon? Ingkon gabe adaran ho, ianggo maradophon si Serubabel. Paruaronna ma batu parsuhi mardongan * suraksurak: Hinaulina i, hinaulina i! [30†] II.

⁸Dung i ro muse ma hata ni Jahowa tu ahu songon on:

⁹Tangan ni * si Serubabel mambahen ojahan ni joro on, ingkon laos tanganna pasunhon muse; + asa tung tandaonmu Jahowa Zebaot do marsuru ahu tu hamu. [31†]

¹⁰Ai tung ise ma na lea roha di * angka ari hametmeton on? Hape naung marlas ni roha marnida batu dodododo di bagasan tangan ni si Serubabel + sipitupitui, i ma angka mata ni Jahowa, angka na mangaliati sandok tano on. [32†]

¹¹Dung i ningku ma mangalusi ibana: Dia do lapatan ni na dua hau jetun on tungkan siamun ni parpalitoan dohot tungkan sihambirangna.

¹²Dung i ningku ma mangalusi ibana paduahalihon: Dia do lapatan ni na dua ranting ni hau jetun i, angka na masijaloan dohot na dua dangka sere, angka na mangusehon sian nasida miak sere i?

¹³Dung i ninna ma mandok ahu: Tung na so diboto ho do lapatan ni angka on? Jadi ningku ma: Ndang ale tuangku!

¹⁴Dung i ninna ibana ma: I ma na dua anak ni miak angka na tindang di adopan ni Tuhan sigomgom sandok tano on. [33†]