Read Batak Toba PANURIRANG SAKARIA 6 Bible Online

PANURIRANG SAKARIA 6 - Batak Toba bible

PANURIRANG SAKARIA 6

¹I. [1] Dung i humusor muse ahu manaili dompak ginjang, asa maralatan, jadi huida ma opat hureta, angka na ruar sian holangkolang ni na dua dolok i, jala sian tombaga do dolok i. [37†]

²Di hureta parjolo hoda angka na rara, jala di hureta paduahon, hoda angka na birong.

³Jala di hureta patoluhon, hoda angka na bontar, jala di hureta paopathon, hoda angka siganding.

⁴Dung i ningku ma mandok suruan, angkuphu mangkatai: Dia do lapatan ni angka i, ale tuangku?

⁵Jadi ninna suruani ma mangalusi ahu; i ma na opat tondi sian langit, angka na ruar olat ni dung tindang nasida di lambung ni Tuhan * sigomgom liat portibi on. [38†]

⁶Hureta na tinait ni hoda, angka na birong; i ma na borhat dompak tano tungkan utara; jala hoda angka na bontar borhat do ihut tu nasida; angka siganding pe borhat do tu tano tungkan dangsina.

⁷Borhat muse dohot angka na rara i, jala dilului rohanasida do mangaliati tano on. Dung i ninna ibana ma: Laho ma hamu * mangaliati tano on. Jadi diliati nasida ma tano on. [39†]

⁸Dung i joujou ma ibana tu ahu, jala didok ma tu ahu, songon on: Ida ma angka naung borhat tu tano na tungkan utara, i ma na * paulon tondingku di tano tungkan utara. [40†] II.

⁹Dung i ro ma hata ni Jahowa tu ahu, songon on:

¹⁰Buat deba halak sian angka naung mulak sian habuangan, sian si Helda i, sian si Tobia dohot sian si Jedaia; laos di ari na sasada i ma ho ro tumopot bagas ni si Josia, anak ni si Sepania, tusi ro nasida sian Babel.

¹¹Buatonmu ma huhut perak dohot sere, jala bahenonmu sada tumpal, sibahenonmu tu ulu ni sintua ni malim Josua, anak ni si Josadak. [41†]

¹²Jala dohononmu tu ibana: Songon on do: Hata ni Jahowa Zebaot: Ida ma, baoa sada, si Tumbur goarna, jala sian hametmetonna ibana martumbur, jala paulionna sogot joro ni Jahowa. [42†]

¹³Paulionna ma tongon joro ni Jahowa, laos ibana jumujung hamuliaon, jala hundul, jala mangarajai ibana di atas ni habangsana, gabe * malim ibana di atas habangsana, jala sangkap hadameon di holangkolang ni na + dua i sogot. [43†]

¹⁴Ia tumpal i baen parningotan di si Helda i, di si Tobia dohot di si Jedaia ro di hasortaon ni anak ni si Sepania di joro ni Jahowa.

¹⁵Ro do huhut halak sian tano na dao naeng parsidohot pauli bagas joro ni Jahowa sogot, asa tung diboto hamu Jahowa Zebaot marsuru ahu tu hamu. I ma na masa sogot, molo tung tangkas ditangihon hamu suara ni Jahowa, Debatamuna i. [44†]