Read Batak Toba PANURIRANG SAKARIA 7 Bible Online

PANURIRANG SAKARIA 7 - Batak Toba bible

PANURIRANG SAKARIA 7

¹I. [1] Dung i paopattaonhon hinarajahon ni raja Darius, ro ma hata ni Jahowa tu si Sakaria, di ari opat bulan sipahasia, i ma bulan Kislew.

²Uju disuru isi ni huta Betel si Sareser dohot si Regem Melek, rap dohot angka donganna marsomba tu adopan ni Jahowa.

³Huhut usouso tu malim, angka na di joro ni Jahowa Zebaot dohot tu angka panurirang songon on: Atehe ingkon sai datdatanku dope tumatangis * di bulan sipahalima, jala marpuasa songon na hubahen nasailaon nunga pola martaontaon? [45†] II.

⁴Jadi ro ma hata ni Jahowa Zebaot tu ahu songon on:

⁵Dok ma tu sandok bangso ni tano on dohot tu angka malim: * Marpuasa pe hamu, jala mangandungi di bulan sipaha lima dohot di bulan sipahapitu nunga pola pitupulu taon lelengna, tung pasangap ahu ma hamu marhite sian parpuasaonmuna i? [46†]

⁶Alai molo mangan jala minum hamu, nda di hamu sandiri do hamu na mangan dohot na minumi?

⁷Nda i hian do hata, angka na tiningtingkon ni Jahowa marhite sian pamangan ni angka panurirang na jolo, uju na niinganan dope Jerusalem jala sonang ro di angka hutana humaliang, jala marpangisi dope tano dangsina dohot tano pea? [47†]

⁸Dung i ro ma hata ni Jahowa tu si Sakaria songon on:

⁹Boti hata ni Jahowa Zebaot: * Uhum hasintongan ma paruhumhon hamu, jala denggan basa dohot asi ni roha ulahon hamu ganup tu donganna. [48†]

¹⁰Jala unang * rupa hamu halak na mabalu dohot na sopot so marama so marina, nang halak na buro dohot na parir! Jala unang manang ise mamingkiri na roa dompak donganna di bagasan rohana. [49†]

¹¹Alai manjua do anggo nasida manangihon, jala dipabiding dagingna patangkang rohana, jala dipahapal pinggolna unang marbinege.

¹²Jala * dipapir rohana, songon batu intan, asa unang dibege patik i dohot hata angka na tinongos ni Jahowa Zebaot marhite sian tondina, dohot marhite sian panurirang angka na jolo i. Dibahen i marpiarpiar ma rimas ni Jahowa Zebaot. [50†]

¹³Jadi hira marsisolisoli: Ibana manjou nasida nasailaon, hape ndang ditangihon nasida, suang songon i nasida joujou, ahu pe ndang tangihononku, ninna Jahowa Zebaot. [51†]

¹⁴Dibahen i nunga hupurpurhon nasida tu saluhut bangso ni parbegu, angka na so tinandanasida hian, jala tano tinadingkonna i gabe halongonan di pudinasida, ndang tarbahen manang ise marmeang muli, jala tano hasoloani gabe halongonan dibahen nasida.