Read Batak Toba PANURIRANG SAKARIA 9 Bible Online

PANURIRANG SAKARIA 9 - Batak Toba bible

PANURIRANG SAKARIA 9

¹I. [1] On ma hata uhum ni Jahowa dompak tano Hadrak, jala * Damaskus do pansohotanna. Ai manatap do mata ni Jahowa tu sude jolma, alai gumodang tu sandok angka marga ni Israel. [65†]

²Tole muse tu * Hamat balokna i, + Tirus dohot Sidon, ala sigodang habisuhon di rohana. [66†]

³Jala dipauli Tirus do sada partanobatoanna, jala dipagukguk perak sobokkon orbuk, jala sere sobokkon gambo di alaman.

⁴Ida ma, soluhon ni Tuhan i ma huta i, jala haromhononna ugasanna tu bagasan laut, ianggo huta i suda do panganon ni api.

⁵Idaon ni * Askelon ma i, gabe manonditnondit, jala Gasa gabe raion situtu, nang Ekron ala naung murak hinaposanna i nasailaon, jala nunga mago raja sian Gasa, jala ndang be marpangisi ia Askelon. [67†]

⁶Jadi anak gampangna ma maringan di Asdod jala siaphononku ma hajungkaton ni halak Palistim.

⁷Jala paholangonku ma mudarna sian pamanganna, jala biasbias na niulana sian holangkolang ni iponna. Jadi marpasipasi dohot nasida di Debatanta i, jala sobokkon induk nasida sogot di Juda, jala halak Ekron sobokkon halak Jebusi. [68†]

⁸Laos * ahu sandiri marsaro humongkop jorongku maralohon parangan angka na marmeang muli, jala ndang be boluson ni halak pangarupa nasida, ai nunga marpangulahi rohangku mida hamu anggo nuaeng. [69†] II.

⁹* Mariaia situtu ma ho, ale boru Sion, marolopolop ma ho ale boru Jerusalem! Ida ma, na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina. [70†]

¹⁰Jala ahu maniaphon angka hureta sian Epraim dohot angka hoda sian Jerusalem, siap dohot sior tu hamusuon. Dung i baritahononna ma hadameon tu angka bangso parbegu, jala masuk tu gomgomanna sian laut tu laut, jala sian batang aek Euprat sahat ro di angka ujung ni tano on. [71†]

¹¹Ho pe marhitehite * mudar ni parpadanonmu paluaonku angka na tarbuang sian ho, sian godung na so marisi aek. [72†]

¹²Mulak ma hamu tu huta na gonting, hamu ale angka na tarrante na marpangkirimon dope! Gari sadarion ahu mamaritahon hian: * Silompit dua do pasuangonku tu ho. [73†]

¹³Ai hira sior husintak Juda di ahu, jala huparade ia Epraim tu parporangan, jala husunggul angka anakmi, ale Sion, dompak angka anakmu, * ale tano Junani jala bahenonku ma ho hira podang ni ulubalang. [74†]

¹⁴Jadi tarida ma Jahowa di atas nasida, jala * ruar sumbiana, songon hilap, jala + paluon ni Tuhan Jahowa ma sarune, jala marhitehon angka habahaba sian dangsina ibana mardalan. [75†]

¹⁵Jahowa Zebaot mangondingi nasida, gabe suda panganonnasida jala luntakhononku angka batu ni ambalang; jala minum nasida jala marhariburon hira sian anggur, gabe gok nasida songon saoan pangurasan, songon angka suhi ni langgatan.

¹⁶Jadi di ari na sasada i lehonon ni Jahowa, Debatanasida ma tua tu nasida, songon tu parduan birubiru ni bangsona, ai angka batu ni tumpal do nasida, angka na gabe partonggol di atas ni tanona.

¹⁷Ai aha hinadengganna, jala aha hinaulina? * Dahanon pasimbur magodang angka dolidoli, jala anggur angka na marbaju. [76†]