Read Batak Toba PANURIRANG MALEAKI 3 Bible Online

PANURIRANG MALEAKI 3 - Batak Toba bible

PANURIRANG MALEAKI 3

¹I. [1] Ida ma, * suruanku ma suruanku, asa dipadiri dalan di jolongku. Dung i tompu ma ro tumopot jorona Tuhan, na niluluanmuna dohot suruan ni parpadanan na hinalungunhonmuna. Ida ma, na ro ma ibana, ninna Jahowa Zebaot. [21†]

²Alai tung ise ma manahan di ari harorona i? Jala tung ise ma manahan jongjong, molo dipataridahon ibana dirina? * Ai songon api na panopa do ibana, jala songon + sabun ni panunsi. [22†]

³Jadi hundul ma ibana hira sipangalala dohot sipapita perak, asa papitaonna * halak Lepi, jala lalaonna nasida laho papitahon songon sere dohot songon perak, asa gabe siboan + pelean sipanganon nasida tu Jahowa di bagasan hatigoran. [23†]

⁴Jadi tarbahen Jahowa ma mangkalomohon pelean sipanganon binahen ni Juda dohot Jerusalem, songon uju di angka taon mulamula. II.

⁵Jadi jumonok ma ahu tu hamu laho manguhum, gabe sitindangi na doras dompak halak parsibalik mata dohot dompak halak pangalangkup dohot dompak halak sitolon na tutu dohot dompak * halak pangarupa umpogo upa ni halak sipangan gaji dohot dompak halak na paeleng uhum tu na mabalu dohot na tading di lampin ro di halak na buro, ia ahu ndang dihabiari, ninna Jahowa Zebaot. [24†]

⁶Ai * ndang mubauba anggo ahu Jahowa, hamu pe ale angka anak ni si Jakkob, ndang tagamon sun siap hamu. [25†]

⁷Olat ni ariari ni ompumuna, sai manimbil do hamu sian angka patikku, jala ndang diradoti hamu; * mulak ma hamu tu ahu, asa mulak ahu tu hamu, ninna Jahowa Zebaot. Hape didok hamu do: Taringot tu aha hami mulak? [26†]

⁸Tung tarpaotooto jolma ma Debata, umbahen naeng paotootoonmuna ahu? Hape didok hamu dope taringot tu aha hupaotooto hami ho? Taringot tu * pangalehon di saparsampulu dohot di pelean santisanti. [27†]

⁹Tung di bagasan * panginonaan ni bura do hamu ala dipaotooto hamu ahu, tung sandok bangso i do. [28†]

¹⁰Taruhon hamu ma sintong parsampuluan i tu * bagas parpeopan, asa adong bohal di bagasan jabungku, jala unjuni hamu ahu taringot tusi, ninna Jahowa Zebaot, manang so ungkaponku di hamu angka + pandiloan ni langit, jala mangusehon tu hamu gabe maradu marlobilobi. [29†]

¹¹Jadi manorui ma ahu tu sihapor panggagat manatap hamu, asa unang be diago parbue ni tano i di hamu, jala unang mago partaonan ni hau anggur di ladang manatap hamu ninna Jahowa Zebaot.

¹²Jadi parhatuaon ni saluhut bangso parbegu ma hamu, ai gabe * tano hasudungan do hamu, ninna Jahowa Zebaot. [30†] III.

¹³Dipabalga hamu do hatahatamuna dompak ahu ninna Jahowa. Hape lam didok hamu dope: Tung aha ma hatahatanami dompak ho?

¹⁴Didok hamu do: Ndang adong labana oloan Debata, tung aha ma parlabaannami ala huradoti hami tonana, jala martujung hami di adopan ni Jahowa Zebaot? [31†]

¹⁵Nuaeng pe ianggo hami angka halak na jungkat do huparhatua hami; tongon tahe, lam mardohar do angka siulahon hajahaton; gari Debata di unjuni nasida do, hape malua do nasida sian jea.

¹⁶Alai tahe masipaingotan ma angka sihabiari Jahowa sama nasida; gabe ditatap Jahowa nasida jala ditangihon, jala tarsurat di adopanna * sada buku parningotan di halak angka sihabiari Jahowa dohot angka na pasangap goarna. [32†]

¹⁷Jadi ahu ma * nampuna nasida, ninna Jahowa Zebaot, ** di ari sijadionku, jala marpangkehe ahu tu nasida, songon + pangkaehe ni amaama tu anakna na mangoloi ibana. [33†]

¹⁸Dung i mulak ma rohamuna, jadi idaonmuna ma hasurungan ni halak partigor martimbangkon halak parjahat, hasurungan ni halak sioloi Debata, martimbangkon halak na so mangoloi ibana. IV.

¹⁹Ai ida ma, na ro ma ari na marsigorgor, songon pamurunan, jadi doshon durame sude halak na jungkat dohot halak siulahon hajahaton, gabe marsijembur ma nasida bahenon ni ari na ro sogot, ninna Jahowa Zebaot, ndang adong tadingkononna di nasida nang urat, nang ranting. [34†]

²⁰Alai binsar ma anggo di hamu, angka na mangkabiari goarhu * mata ni ari ni hatigoran mardongan hahisaron di linggom ni habongna, gabe ruar ma hamu jala panihalnihalon songon anak ni lombu, angka na ruar sian bara. [35†]

²¹Jadi degedegeonmuna ma halak parjahat, ai doshon sirabun nasida sogot ditoru ni palak ni patmuna, * di ari sibahenonku, ninna Jahowa Zebaot. [36†]

²²Sai paingotingot hamu ma patik ni si Musa, naposongki, na hupatolhas tu ibana uju di * Horeb tu sandok Israel, angka patik dohot uhum. [37†] V.

²³Ida ma, * suruanku ma tu hamu panurirang Elia, + patujolo ni haroro ni ari ni Jahowa na bolon, jala na songkal i. [38†]

²⁴Asa * ibana paulakkon roha ni amaama tu angka anakna, jala roha ni angka dakdanak tu amanasida, asa unang ro ahu mangkonahon uhum hamagoan tu tano on. [39†]