Read Batak Toba MARKUS 3 Bible Online

MARKUS 3 - Batak Toba bible

MARKUS 3

¹I. [1] Dung i dibongoti muse ma parguruan i. Jadi adong ma disi sada halak naung mate tanganna sambariba. [35†]

²Jadi mangonggop ma rohanasida di Ibana, manang na olo Ibana pamalumhonsa di ari Sabbat, asa anggiat taraluhon nasida Ibana. [36†]

³Alai didok ma mandok halak partangan na mate i: Hehe ma ho tu tongatonga on!

⁴Laos didok ma tu nasida: Dia do na patut ulaon di ari Sabbat, mambahen na denggan manang mambahen na jahat, pangoluhon hosa manang mambunusa? Alai mangkohom do anggo nasida. [37†]

⁵Jadi rimas ma rohana manganolnol nasida huhut marsak ala ni tangkang ni rohanasida. Jala didok ma tu jolma i: Patoltol ma tanganmi! Jadi dipatoltol ma tutu, gabe sumuang hisar ma tanganna i. [38†]

⁶Alai laho tu balian angka Parise i, pintor martuptup ma nasida rap dohot angka na mangihuthon si Herodes dompak Ibana, manang beha bahenonnasida mamusa Ibana. [39†]

⁷Dung i sumurut ma Jesus rap dohot angka siseanna tungkan tao i, jadi mansai torop halak sian luat Galilea dohot Judea mangihuthon Ibana.

⁸Songon i sian Jerusalem, nang sian luat Idumea dohot sian ipar ni Jordan ro di angka na humaliang Tirus dohot Sidon; mansai torop angka naung umbege godang ni na binahenna i, ro mandapothon Ibana. [40†]

⁹Jadi didokkon ma angka siseanna, asa diparade parau sada di Ibana ala ni natorop i, asa unang disosak nasida Ibana.

¹⁰Ai mansai torop do nasida dipamalum, gabe ro sude na porsuk parniahapanna tahop manjama Ibana. [41†]

¹¹Jadi marsomba be do tu Ibana angka tondi na hodar, disi diida nasida Ibana, huhut manjoujou: Anak ni Debata do Ho! [42†]

¹²Alai gogo do nasida dipopai, asa unang dipapatar Ibana. [43†] II.

¹³Dung i nangkok ma Ibana tu sada dolok, jadi dijou ma tu jolona angka silomo ni rohana, gabe ro be ma nasida. [44†]

¹⁴Jadi dipillit ma nasida sampuludua, na naeng gabe donganna, jala na naeng suruonna marjamita, [45†]

¹⁵huhut marhuaso pabalihon angka sibolis.

¹⁶Asa dipilliti ma na sampuludua i: Ia si Simon digoari do huhut si Petrus. [46†]

¹⁷Dungkon ni i si Jakobus, anak ni si Sebedeus i, dohot si Johannes, dongan saama ni si Jakobus i; laos digoar do nasida Boanerges, na mandok: Anak ni ronggur. [47†]

¹⁸Tole muse si Andreas, Pilippus, Bartolomeus, Mateus, Tomas, Jakobus, anak ni si Alpeus, si Tadeus, si Simon, na sian huta Kana, [48†]

¹⁹dohot si Judas Iskariot, parjehe i. [49†]

²⁰Dung i muli ma Ibana, gabe rongom muse ro natorop i, pola sundat nasida mangan. [50†]

²¹Jadi umbege i angka sisolhotna, ro ma nasida mangalap Ibana, ai ninna nasida do: Na rintik do Ibana. [51†] III.

²²Ia angka sibotosurat, naung tuat sian huta Jerusalem, didok do: Na sibolison do Ibana, jala induk ni angka sibolis i do dipangasahon, laho pabalihon angka sibolis. [52†]

²³Jadi dijou ma nasida tu jolona, marumpama ma Ibana mandok tu nasida: Tagamon ma pabalion ni sibolis i donganna sibolis?

²⁴Ai molo marsalisi sada harajaon sama dirina, ndang na hot harajaon i.

²⁵Jala molo marsalisi dongan sabagas sama nasida, ndang na hot na sabagas i.

²⁶Asa molo hehe sibolis i mangalo dirina jala marsalisi sama ibana, ndang tarbahen hot be ibana, na laho suda nama.

²⁷Ndang habongotan halak jabu ni ulubalang, laho mangarampas ugasanna, anggo so jumolo diihoti ulubalang i; dung pe i, asa tarbuatsa ugasanna.

²⁸Situtu do hatangkon: Tarsesa pe nasa dosa ni angka jolma ro di nasa ragam ni panginsahionnasida na dompak Debata;

²⁹anggo na mangaleai Tondi Parbadia i, ndang dapotsa hasesaan ni i nang di tingki sogot; parutang dosa sisalelenglelengna nama ibana.

³⁰Ala didok nasida: Partondi na hodar do Ibana. [53†] IV.

³¹Dung i ro ma inana dohot angka anggina, jadi di ruar nama nasida jongjong, gabe disuru ma na manjou Ibana.

³²Na hundul do natorop i humaliang Ibana, gabe didok ma: Di alaman an do inangmu dohot angka anggim ro di angka ibotom; diusoi do Ho! [54†]

³³Alai ninna ma mangalusi nasida: Ise do goaron dainang, jala ise do dohonon angka anggingku?

³⁴Jala dibereng ma angka na hundul humaliang Ibana, ninna ma: Angka on do dainang dohot angka anggingku!

³⁵Ai na mangulahon lomo ni roha ni Debata, i do anggingku, i do ibotongku, i do dainang!