Read Batak Toba LUKAS 21 Bible Online

LUKAS 21 - Batak Toba bible

LUKAS 21

¹I. [1] Dung i mamereng ma Ibana, gabe diida ma angka na mora na mandabuhon silehonlehonna tu bagasan poti parasian.

²Alai diida ma boruboru na mabalu sada, na pogos, na mandabuhon dua rimis.

³Gabe didok Ibana ma: Situtu do hatangkon tu hamu: Gumodang do na nidabuhon ni na mabalu na pogos an sian saluhutna i. [297†]

⁴Ai sasude nasida sian lobilobinasida be do didabuhon; alai ia parompuan an, sian pogosna i do didabuhon sasude na pineopna i. II.

⁵Dung i ditaringoti na deba ma joro i, naung dipajagar dohot batu angka na uli dohot silua ni halak, jala ninna Ibana ma:

⁶Diida hamu pe i sude, na ro ma angka arina, ndang tinggal disi dua batu martinditindi na so gargaronna. [298†]

⁷Jadi disungkun nasida ma Ibana, ninna ma: Andigan ma masa i, Guru; jala dia ma tandana, paboa laho songgop ma i?

⁸Alai ninna Ibana ma: Jaga ma hamu, so tung lilu hamu! Ai lan do na ro sogot manoluk Goarhu, angka na mandok: Ahu do! Nunga dapot tingkina i! Unang ma ihuthon hamu nasida!

⁹Alai molo dibege hamu barita ni angka hamusuon dohot hagunturon, unang ma hamu tarsonggot; ai ndang tarbahen so songgop i jumolo. Alai ndang dope manigor dapot ajalna i.

¹⁰Laos didok ma tu nasida: Na hehe do sogot bangso maralohon bangso, harajaon maralohon harajaon.

¹¹Masa ma lalo angka na bolon, angka sahit bala marluatluat nang haleon, tarida ma angka panonggoti ro di tanda na balga sian langit.

¹²Alai tagan so masa dope angka i, tangkupon jala leleannasida do hamu; pasahatonna do hamu tu angka parguruan dohot hurungan, gabe togihononna hamu tu jolo ni raja dohot panguhum humongkop Goarhu. [299†]

¹³Laos i ma gabe dalanmuna, mangkatindangkon Ahu.

¹⁴On ma parateatehon hamu: Na so pola sarihononmuna hian sitariashononmuna disi. [300†]

¹⁵Ai Ahu mangalehon tu hamu soara dohot habisuhon, na so bolas aloon nang alusan ni angka musumuna. [301†]

¹⁶Alai nang natorasmuna, hahaanggi, sisolhot ro di alealemuna do pasahathon hamu; jala pamateonna deba sian hamu.

¹⁷Hosoman ni saluhut jolma do hamu ala Goarhu. [302†]

¹⁸Jala na so tupa mago sada obuk sian ulumuna. [303†]

¹⁹Marhitehite benget ni roha do malua hosamuna. [304†]

²⁰Alai molo diida hamu huta Jerusalem i hinaliangan ni angka parangan, boto hamu ma, naung donok nama hasesegana.

²¹Maporus tu dolok i ma di tingki i angka na di Judea i; angka na di bagasan huta i haruar ma sian i, jala angka na di ladang i, unang ma bongot tu huta i.

²²Ai angka ari pamaloson ma i, asa songgop sasude na tarsurat i. [305†]

²³Marjea ma angka na gabegabean dohot angka panarusan di angka ari i; ai songgop ma hagogotan bolon tu tano on jala harimason tu bangso on.

²⁴Rage ma nasida bahenon ni mata ni podang jala diihoti ma nasida mamboan tu saluhut angka bangso, gabe lotlotan ni halak parbegu ma huta Jerusalem, paima gok angka tingki ni parbegu. [306†]

²⁵Dung i masa ma angka tanda di mata ni ari, di bulan dohot di angka bintang pe; jala hapusohan ma angka bangso di tano on jala bobonosan, bahenon ni gasak ni laut i dohot galumbangna.

²⁶Tarhatos ma jolma i dibahen hatahutonna dohot panagamon ni rohana di na naeng masa tu liat portibi on; ai humuntal ma angka hagogoon ni parlangitan.

²⁷Dung i idaonnasida ma Anak ni jolma i ro marhitehon ombun mantat huaso dohot hasangapon godang. [307†]

²⁸Alai molo mamungka masa angka i, dirgak ma hamu; pasindak hamu ma ulumuna, ai nunga jonok haluaonmuna. [308†]

²⁹Jala dihatahon ma tu nasida umpama sada: Bereng hamu ma hau ara i dohot angka hau na asing!

³⁰Ia dung martunasi diida hamu, tandaonmuna do sian i, naung jonok partaonan las.

³¹Suang songon i, ia dung masa angka i diida hamu, boto hamu ma, naung donok harajaon ni Debata.

³²Situtu do hatangkon tu hamu: Na so tupa salpu na sabangso on, so jolo songgop saluhutna i!

³³Salpu pe sogot langit dohot tano on, anggo hatangki na so tupa salpu! [309†]

³⁴Alai jaga hamu ma dirimuna, unang sorat rohamuna binahen ni parminumon dohot parmabuhon dohot panarihon di hangoluan on, gabe tompu ditahopi ari i hamu songon tali rambang. [310†]

³⁵Ai hatop ma i songgop tu atas ni sude na maringanan di atas tano on. [311†]

³⁶Alai dungo ma hamu tongtong mardongan tangiang, asa margogo hamu, pasiding saluhut na naeng masa i, laho jongjong di jolo ni Anak ni jolma i. [312†]

³⁷Di joro i do Ibana mangajari arianna i; alai bodarina i ruar Ibana, laho marborngin di dolok na margoar Jetun.

³⁸Jala sogot ma didapothon saluhut natorop i Ibana, tumangihon hatana di joro i.