Read Batak Toba JOHANNES 2 Bible Online

JOHANNES 2 - Batak Toba bible

JOHANNES 2

¹I. [1] Dung i patoluarihon adong ma na marbagas di huta Kana na di luat Galilea, jala disi ma ina ni Jesus.

²Alai dohot ma Jesus raphon angka siseanna dipio tu pesta i.

³Jadi dung hurangan anggur nasida, ninna ina ni Jesus ma mandok Ibana: Ndang adong anggur di nasida!

⁴Alai ninna Jesus ma mandok ibana: Marhua ho tu Ahu, inang? Ndang dope ro tingkingku. [32†]

⁵Dung i ninna inana i ma mandok angka parhobas: Manang dia dohononna tu hamu, bahen hamu ma!

⁶Alai mangihuthon adat parburion ni halak Jahudi, adong ma diri disi onom gunsi (hudon batu), siatsiat dua ro di tolu poting. [33†]

⁷Dung i ninna Jesus ma mandok nasida: Gohi hamu ma angka gunsi on aek! Jadi gok situtu ma dibahen.

⁸Laos didok muse tu nasida: Tahui hamu ma sian i, dung i boan hamu ma tu indukmuna! Jadi diboan nasida ma.

⁹Alai didai induk ni angka parhobas i ma aek i naung gabe anggur, jala ndang diboto haroroanna, ai holan angka parhobas na manahui aek i do umbotosa, gabe dijou ma pangoli i.

¹⁰Jadi ninna ma mandok ibana: Saluhut jolma mangalehon parjolo anggur na dumenggan; dung pe butong halak, asa dilehon na humurang. Ia ho, dipeop ho do anggur na dumenggan ro di nuaeng!

¹¹Asa i ma tanda na parjolo, na binahen ni Jesus di huta Kana na di Galilea, papatarhon hasangaponna i, gabe porsea ma angka siseanna di Ibana. [34†]

¹²Dung salpu i, tuat ma Ibana tu Kapernaum rap dohot inana, angka anggina dohot siseanna, laos mian manang piga ari disi. [35†] II.

¹³Jadi jonok ma Paska ni Jahudi, gabe nangkok ma Jesus tu huta Jerusalem.

¹⁴Dung i hundul ma di joro i didapot angka partigatiga lombu, birubiru dohot darapati ro di angka panungkari.

¹⁵Jadi dipauli Jesus ma tali bahen linsinglinsing, dipabali ma nasida saluhutna sian joro i, rap dohot angka birubiru dohot lombu, disarahon ma hepeng ni panungkari i, diunggilhon ma mejana.

¹⁶Dung i ninna ma mandok angka partigatiga darapati: Boan hamu ma i sian on! Unang bahen hamu bagas ni Damang gabe partigatigaan!

¹⁷Jadi diingot angka siseanna i ma hata na tarsurat i: “Hamuruhon humongkop bagasmi do mangallang ahu!” [36†]

¹⁸Dung i ninna angka halak Jahudi ma mangalusi Ibana: Aha ma tanda patuduhononmu tu hami, umbahen songon i dibahen Ho? [37†]

¹⁹Gabe ninna Jesus ma mangalusi nasida: Lohai hamu ma joro on; dung i pajongjongonku ma i di bagasan tolu ari! [38†]

²⁰Jadi didok angka Jahudi i ma: Opatpulu onom taon do lelengna dipauli bagas joro on; ia Ho, pajongjongonmu ma i di bagasan tolu ari?

²¹Alai dagingna i do joro na nidokna disi. [39†]

²²Asa dung hehe Ibana sian na mate, diingot angka siseanna ma hata ondeng, gabe porsea ma nasida di hata ni surat i nang di hata na nidok ni Jesus.

²³Alai uju di huta Jerusalem Ibana, di pesta Paska i, lan ma porsea di Goarna, dung diida nasida tanda angka na binahenna i.

²⁴Alai ndang dihaporseai Jesus i nasida, ala saluhut nasida ditanda.

²⁵Ai ndang pola manjalo panindangion Ibana taringot tu jolma i, ai diboto Ibana hian do na di bagasan roha ni halak. [40†]