Read Batak Toba JOHANNES 4 Bible Online

JOHANNES 4 - Batak Toba bible

JOHANNES 4

¹I. [1] Dung i diboto Tuhan i ma, naung dibege angka Parise, tumorop do dibahen Jesus siseanna dohot mandidihon sian si Johannes; [64†]

²atik pe so Jesus sandiri mandidihon, angka siseanna do.

³Jadi ditadingkon ma luat Judea laho mangulahi tu luat Galilea.

⁴Alai ingkon bolusonna do luat Samaria.

⁵Gabe ro ma ibana tu sada huta na di Samaria, na margoar Sikar, mardonokkon ladang na nilehon ni si Jakkob tu si Josep, anakna i. [65†]

⁶Alai adong ma disi sumur ni si Jakkob; jadi dibahen naung loja Jesus sian pardalanan, hundul ma Ibana di lambung ni sumur i; tar di hos ni ari ma i.

⁷Dung i ro ma sada boru Samaria, manahui aek. Jadi didok Jesus ma mandok ibana: Lehon Ahu minum!

⁸Ai nunga laho angka siseanna i tu huta, manuhor bohal.

⁹Jadi didok boru Samaria i ma mandok Ibana. Boasa mangido tapian Ho halak Jahudi, sian ahu boru Samaria? Ai ndang marparsaoran halak Jahudi dohot halak Samaria.

¹⁰Dung i ninna Jesus ma mangalusi ibana: Aut diboto ho basabasa ni Debata, jala aut ditanda ho na mangido aek inumon sian ho, ra olo ho mangido tu Ibana; dung i lehononna ma tu ho aek na mangolu. [66†]

¹¹Jadi didok boruboru i ma tu Ibana: Tuan, tahutahu gari soada di Ho, tole bagas do sumur on; tung sian dia ma tu Ho aek na mangolu?

¹²Tung umbalga ma Ho asa ompunta si Jakkob, na mangalehon sumur on di hami? Ibana do manginum sian i dohot ianakhonna ro di pinahanna!

¹³Dung i ninna Jesus ma mangalusi ibana: Sai mangulahi mauas do nasa na minum sian aek on. [67†]

¹⁴Alai na manginum aek silehononki, na so tupa mauas be i ro di salelenglelengna. Ai anggo aek silehononki, gabe mual do i di bagasan ibana, na mabaor sahat ro di hangoluan sisalelenglelengna. [68†]

¹⁵Dung i ninna boruboru i ma mandok Ibana: Tapian sisongon i ma lehon di ahu, Tuan, asa unang be mauas ahu jala unang be sai ro tuson manahui.

¹⁶Dung i, ninna Jesus ma mandok ibana: Laho ma ho jolo, jou ma dongan saripem, dung i mulak tuson!

¹⁷Gabe ninna boruboru i ma mangalusi; Ndang mardongan saripe ahu! Dung i ninna Jesus ma tu ibana: Toho do pandokmi, na so adong sinondukmu.

¹⁸Ai nunga lima hali ho mardongan saripe; ia baoa na di ho i nuaeng, ndang donganmu saripe i dohonon; asa na tutu do na nidokmi!

¹⁹Dung i ninna boruboru i ma mandok Ibana: Ale tuan, panurirang do Ho huida!

²⁰Di dolok an do martangiang ia ompunami, gabe didok hamu, ingkon Jerusalem do partangiangan. [69†]

²¹Dung i ninna Jesus ma mandok ibana: Porsea ma ho di Ahu, inang! Na ro ma tingkina, gabe ndang pola be dolok an manang Jerusalem partangiangan tu Ama i.

²²Disomba hamu do na so binotomuna; huboto hami do na husomba hami, ai bangso Jahudi do haroroan ni haluaon. [70†]

²³Alai na ro ma tingkina jala nunga ro i nuaeng, gabe di bagasan Tondi dohot hasintongan martangiang angka partangiang na tutu tu Ama i; ai angka partangiang na songon i dipangido Ama i.

²⁴Tondi do anggo Debata; asa angka na martangiang tu Ibana, patut martangiang di bagasan Tondi dohot hasintongan. [71†]

²⁵Dung i didok boruboru i ma mandok Ibana: Huboto do, na naeng ro Messias na margoar Kristus; ia dung ro Ibana, baritahononna do saluhutna i tu hami. [72†]

²⁶Dung i ninna Jesus ma mandok ibana: Ahu do i, na mangkatai dohot ho! [73†]

²⁷Dung songon i, ro ma angka siseanna jala longang ma rohanasida, ala mangkatai Ibana dohot boruboru i; alai ndang adong na olo mandok: Aha dipausoi Ho? manang: Aha hinatam dohot ibana?

²⁸Asa ditadingkon boruboru i ma panguhatanna, laho tu huta, gabe didok ma tu angka jolma i:

²⁹Beta hamu! Ida hamu ma sada halak na paboahon tu ahu sude parulaonki! Atik tung Kristus i Ibana?

³⁰Gabe ruar ma nasida sian huta i, laho manopot Ibana.

³¹Andorang i, disosoi angka siseanna ma Ibana, ninna ma: Mangan ma Guru i!

³²Alai ninna ma mandok angka siseanna: Adong do di Ahu sipanganon na so binotomuna. [74†]

³³Gabe ninna siseanna ma sama nasida: Ai adong do ulaning na mamboan sipanganon tu Ibana?

³⁴Dung i ninna Jesus ma mandok nasida: Sipanganon do i di Ahu, na mangulahon lomo ni roha ni na marsuru Ahu dohot paujungkon ulaonna. [75†]

³⁵Nda didok hamu: Opat bulan nari, ro ma gotilon? Alai hudok ma di hamu: Pabidok hamu ma matamuna, bereng hamu ma hauma i; ai nunga marlangat, na tau gotilon ma! [76†]

³⁶Nunga manjalo upa panggotil i, papunguhon parbue tu hangoluan na salelenglelengna, asa rap marlas ni roha panabur dohot panggotil.

³⁷Ai dison ma tutu hata na mandok: Na sada on manabur; na sada an manggotil.

³⁸Ahu do marsuru hamu manggotil na so hinalojahonmuna; angka na asing do mangkalojahonsa, gabe disoluk hamu na niulanasida.

³⁹Jadi torop do halak Samaria sian na sahuta i gabe porsea di Ibana, ala dihatindangkon boruboru i: Tung saluhut parulaonki dipaboa Ibana do tu ahu!

⁴⁰Asa dung sahat angka halak Samaria ro tu Jesus, dielehelek ma Ibana, asa mian di nasida; jadi laos disi ma Ibana dua ari.

⁴¹Dung i toropan do nasida na gabe porsea ala ni hata ni Jesus.

⁴²Gabe didok nasida ma tu boruboru i: Ndang be ala ni pandokmi, umbahen na porsea hami; ai nunga hubege jala hutanda hami sandiri, Ibana do tutu Sipalua portibi on. II.

⁴³Jadi dung salpu na dua ari i, borhat ma Ibana sian i laho tu Galilea. [77†]

⁴⁴Ai Jesus sandiri do mangkatindangkon, na so marsangap panurirang di tano hagodanganna. [78†]

⁴⁵Jadi di na ro Ibana tu Galilea, gabe dijangkon halak Galilea ma Ibana, dibahen naung diida nasida saluhutna na binahenna i di Jerusalem, di ari raya i; ai dohot do nasida marariraya disi. [79†]

⁴⁶Asa ro muse ma Jesus tu huta Kana na di luat Galilea, pambahenanna aek gabe anggur uju i. Alai adong ma parpangkat sahalak di huta Kapernaum, hansitan di anakna. [80†]

⁴⁷Jadi dung dibege i, naung ro Jesus sian luat Judea tu luat Galilea, didapothon ma Ibana; dielehelek ma, asa tuat Ibana pamalum anakna i, ai matemate ne do ibana.

⁴⁸Jadi didok Jesus ma tu ibana: Molo so diida hamu tanda dohot halongangan, ndang na porsea hamu. [81†]

⁴⁹Dung i didok parpangkat i ma: Sai tuat ma Ho jolo, Tuhan, andorang so mate dope anakki!

⁵⁰Jadi didok Jesus ma tu ibana: Laho ma ho; na mangolu do anakmi! Gabe dihaporseai halak i ma hata na nidok ni Jesus tu ibana, laos laho ma.

⁵¹Alai laho tuat dope, nunga ditomutomu angka naposona ibana paboahon, na mangolu anakna i.

⁵²Dung i dipamanat ma tu nasida tingkina, manang na sadihari lumambok dihilala; jadi didok nasida ma: Nantoari, tar di pungkul sada do sumurut panepane i sian ibana.

⁵³Jadi diboto amana i ma: Apala i ma tingkina, uju didok Jesus: Na mangolu do anakmi! gabe porsea ma ibana dohot sude pangisi ni bagasna.

⁵⁴Asa i ma tanda paduahon, na pinatupa ni Jesus muse, di na ro Ibana sian luat Judea laho tu luat Galilea [82†]