Read Batak Toba ROM 12 Bible Online

ROM 12 - Batak Toba bible

ROM 12

¹Na huapoi ma hamu, ale angka dongan, marhitehite asi ni roha ni Debata: Pasahat hamu ma dagingmuna bahen pelean na mangolu, na badia, na hinalomohon ni Debata; i ma hadaulaton ni na marroha. [200†]

²Jala unang gabe sarombang hamu dohot portibi on; alai gabe imbaru ma hamu, dung muba pingkiranmuna, asa tau hamu manimbangi lomo ni roha ni Debata, i ma na uli, na hinalashonna dohot na sun denggan. [201†]

³Ai marhite sian asi ni roha na nilehonna tu ahu, hupaingot ma ganup hamu: Unang ma torbang rajumi hamu dirimu, lobi sian na patut; alai intap ni na tama ma parrohaonmuna: Ganup marguru tu godang ni haporseaon na tinurpukkon ni Debata tu ibana. [202†]

⁴Umpamana: Torop do ruas di dagingta, alai ndada saulaon ruas i sude: [203†]

⁵Songon i do hita: Torop sadaging di bagasan Kristus, alai ruas bé do hita sama hita. [204†]

⁶Ganup manjalo silehonlehon marguru tu ragam ni asi ni roha na tinurpukkonna tu hita: Ia panurirangon, naeng ma mardomu tu haporseaon. [205†]

⁷Ia ulaon marhobas, ba ulaon marhobas ma; ia haguruon, i ma! [206†]

⁸Ia pangapoion, i ma; ia na mangasii, sian bulus ni roha ma; ia na manguluhon, marringgas ni roha ma; ia na marbasabasa, sian las ni rohana ma! [207†]

⁹Unang ma marpangansi holong ni roha i! Hagigihon hamu ma na jat; pareak hamu ma na denggan! [208†]

¹⁰Ingot hamu ma holong ni roha sama dongan Kristen! Masijolojoloanan ma hamu masipasangapan! [209†]

¹¹Unang sumurut ringgas ni rohamuna! Partondi na girgir ma hamu! Oloi hamu ma Tuhan i! [210†]

¹²Marlas ni roha ma hamu mangkirim! Marbenget ni roha ma di haporsuhon! Jugulhon hamu ma tangiang! [211†]

¹³Antoi hamu ma na hasea di angka na badia! Haringkothon hamu ma partamueon! [212†]

¹⁴Pasupasu hamu ma angka na paburuburu hamu; pasupasu ma antong, unang bura i! [213†]

¹⁵Marlas ni roha ma hamu rap dohot angka na marlas ni roha, jala tangis ma hamu rap dohot angka na tangis! [214†]

¹⁶Sada ma rohamu sama hamu: Unang hatimboon pingkiri hamu, alai patutoru hamu ma rohamu tu haserepon; unang parbisuk hamu di rohamu! [215†]

¹⁷Unang baloshon hamu na jat alo ni na jat; ringkoti hamu ma na denggan di jolo ni halak saluhutna! [216†]

¹⁸Molo tarbahen, intap na tarpatupa hamu, tiop hamu ma dame maradophon halak saluhutna! [217†]

¹⁹Hamu, angka na hinaholongan, unang hamu marlulu; pasahat hamu ma rimas i (tu Debata), ai tarsurat do: “Di Ahu do pamaloson, Ahu pe mamaloshon, ninna Tuhan i.” [218†]

²⁰Onpe, jumpa male musum, lehon ibana mangan; jumpa mauas ibana, painum! Ai songon na pagukgukkon gara do ho tu atas uluna, anggo dibahen ho songon i. [219†]

²¹Unang ma talu ho dibahen hajahaton; alai taluhon ma hajahaton i marhitehite na denggan!