Read Batak Toba ROM 14 Bible Online

ROM 14 - Batak Toba bible

ROM 14

¹I. [1] Anju hamu ma na gale marhaporseaon, unang uhumuhumi hamu pingkirannasida! [231†]

²Pos do roha ni na sada on, laho manganhon nasa ragam ni sipanganon; ai na gumale i, ingkau rata sambing do dipangan. [232†]

³Unang ma hu roha ni na manganhonsa mida na so manganhonsa; jala na mangorom, unang ma diuhumuhumi donganna na manganhonsa, ai naung dijangkon Debata do ibana. [233†]

⁴Ai ise do ho, umbahen na diuhumuhumi ho anak somang ni na leban? Mandapot di tuanna do ibana, manang na hot, manang na tinggang. Alai hot do ibana, ai tarpahot Tuhan i do ibana. [234†]

⁵Ia di roha ni na deba, marhasurungan do ari on sian ari an; ia di roha ni na asing, dos be do angka ari i. Asal ma gomos pingkiranna be! [235†]

⁶Na pabadiahon ari i, di Tuhan i ma diparbadiai; na manganhon i, Tuhan i ma diingot disi, ai dipuji disi Debata; songon i do na mangorom, Tuhan i do diingot disi, laos dipuji do Debata.

⁷Ai ganup hita ndang mangolu di dirinta, jala laos ganup hita ndang mate di dirinta.

⁸Ai ia mangolu pe hita, mangolu di Tuhan i do; jala mate hita, mate di Tuhan i do! Asa mangolu manang mate pe hita, tong do di Tuhan i hita. [236†]

⁹Ai i do umbahen na mate Kristus jala mulak mangolu, asa Ibana Tuhan ni angka na mate, nang angka na mangolu.

¹⁰Ia ho, boasa uhumuhumanmu donganmu; boasa hu roham mida donganmu? Ai hita sasude pajongjongonna sogot tu adopan ni habangsa ni Debata. [237†]

¹¹Ai na tarsurat do: “Na mangolu do Ahu, ninna Tuhan i. Marsinggang tu jolongku sogot nasa na mangolu, jala nasa parsoara marhatopothon Debata!” [238†]

¹²Asa ganup hita on, alusanta do Debata taringot tu dirinta be. [239†] II.

¹³Onpe, unang be hita masiuhumuhuman! On ma tahe timbangi hamu: Unang ma binahen partuktuhan manang pargasipan tu dongan!

¹⁴Tangkas situtu do huboto marhitehite Tuhan Jesus: Na so adong na ramun hian; alai na gabe ramun do i di na manjujursa ramun. [240†]

¹⁵Ai molo diarsahi ho donganmi ala sipanganon, ndang diparangehon ho be holong ni roha i. Unang ma mago donganmu binahen ni sipanganonmu, ai naung mate do Kristus humongkop ibana. [241†]

¹⁶Onpe, unang ma hona insak artamuna! [242†]

¹⁷Ai ndada sipanganon manang siinumon harajaon ni Debata; hatigoran do dohot hadameon dohot las ni roha di bagasan Tondi Parbadia. [243†]

¹⁸Ai molo dioloi ho Kristus disi, dihalomohon Debata do ho jala arga ho di jolma.

¹⁹Dibahen i taeahi ma na tau padamehon jala pauliulihon hita sama hita! [244†]

²⁰Unang segai na niula ni Debata, binahen ni sipanganon. Saluhutna i ias do nian, alai gabe dae do i di halak, molo targasip ibana laho manganhonsa. [245†]

²¹Tagonan, unang mangan juhut, unang minum anggur hita, unang ma taula manang dia pe, ia targasip donganmu disi. [246†]

²²Ia adong pe haporseaonmu, di ho ma i di jolo ni Debata. Martua do na so ganggu be di na tinolopan ni rohana!

²³Alai molo ganggu roha ni halak laho manganhon, hona uhum do, ala so sian haporseaon. Ai nasa na so tubu sian haporseaon, i do dosa. [247†]