Read Batak Toba ROM 9 Bible Online

ROM 9 - Batak Toba bible

ROM 9

¹Na sintong do hatangkon marhitehite Kristus, ndada gabus i, dihatindangkon rohangku huhut marhitehite Tondi Parbadia:

²Marsak situtu do rohangku jala tongtong do margudompong.

³Ai dipangido rohangku, naeng bali ahu sian adopan ni Kristus humongkop hahaanggingki, donganku sabangso mangihuthon partubu ni daging. [141†]

⁴Bangso Israel do nasida. Di nasida do ruhut paramaon dohot hasangapon, nang parpadanan dohot parpatihon, nang pargamaon ro di angka bagabaga. [142†]

⁵Di nasida do angka ompu i, sian nasida do haroroan ni Kristus mangihuthon pardagingonna; Ibana ma di ginjang ni saluhutna, Debata, na pinarsangapan salelenglelengna. Amen. [143†]

⁶Alai ndatung pesan hata ni Debata; ai ndada saluhut, na tubu sian Israel, goaron Israel. [144†]

⁷Jala ndada saluhut nasida anak dohonon, ala pomparan ni si Abraham. On do tahe: “Sian si Isak do goaron pomparanmu!” [145†]

⁸Lapatanna: Ndada anak ni daging dohonon anak ni Debata; angka anak na pinarbagabaga, i do dirajumi. [146†]

⁹Ai bagabaga do hata on: “Suang songon on tingkina Ahu ro muse, jadi adong ma disi sada anak di si Sara!” [147†]

¹⁰Angkup ni i, si Rebekka pe, di na gabegabean ibana sian halak si Isak, ompunta i: [148†]

¹¹Ai andorang so tubu dope nasida, so diulahon dope na denggan manang na roa, naeng ma hot na tinahi ni Debata sian pamillitna sambing,

¹²ndada mangihuthon parulaonnasida; sian panjouonna sambing ma. Ai didok tu ibana: “Sioloan ni na umbalga i do na ummetmet i!” [149†]

¹³Hombar tu na tarsurat: “Huhaholongi do si Jakkob, alai huhasogohon do si Esau!” [150†]

¹⁴Onpe, dia ma dohononta? Nda songon na geduk ma Debata? Dao ma i. [151†]

¹⁵Ai didok do tu si Musa: “Martalup ni roha do Ahu di sitalupan ni rohangku, jala asi do rohangku di siasianku.” [152†]

¹⁶Asa guru di pangasii ni Debata do, ndada guru di na manuntun manang mamuspus. [153†]

¹⁷Ai songon on do didok surat i tu si Firaun: “Apala tusi do ho husungguli, asa hupataridahon gogongku marhitehite ho, asa tarbarita Goarhu tu liat tano on.” [154†]

¹⁸Asa diasii Ibana do na naeng asianna, jala dipajogal do roha ni na, naeng pajogalonna. [155†]

¹⁹Ra ro ma alusmu: Boasa manorui dope Ibana! Ai ise mangalo tahina?

²⁰Iale, jolma manisia; tung ise ma ho, na naeng manggaga Debata? Tung dohonon ni na ginana i ma mandok na manggana: Boasa songon i ahu bahenonmu? [156†]

²¹Ai nda marhuaso sitopahudon laho patupahon sian na samansam tano liat deba ulaula tu na tama, na deba tu na lea?

²²Ai di na naeng pabotohonon ni Debata rimasna huhut patuduhon gogona, gabe marlambas ni roha godang Ibana manganju angka ulaula sirimasan i, angka naung pinadiri tu hamagoan. [157†]

²³Songon i do dipapatar surung ni hasangaponna i maradophon angka ulaula siasian, angka na pinaturena i hian tu hasangapon. [158†]

²⁴Ai dijou do hita, nang sian bangso Jahudi, nang sian angka sipelebegu.

²⁵Songon na nidokna i di surat ni si Hosea: “Bangsongku ma goaronku na so bangsongku hian, jala haholonganku do na so hinaholongan hian!” [159†]

²⁶“Jala dung nidok jolo tu nasida: Ndada hamu bangsongku, apala disi ma nasida goaron angka anak ni Debata Parngolu!” [160†]

²⁷Ai dijouhon si Jesaya do taringot tu bangso Israel: “Nang pe na sarihit na di topilaut torop ni anak Israel, holan pasipasina i do malua. [161†]

²⁸Ai dipatulus jala dipaputus Tuhan i do hatana di tano on.”

²⁹Songon naung sinurirangkon ni si Jesaya: “Aut unang ditinggalhon Tuhan Sebaot boni di hita, suman tu Sodom dohot Gumora do hita!” [162†]

³⁰Asa dia ma dohononta? On do: Angka parbegu na so mangeahi hatigoran, dapotsa do, i ma hatigoran na sian haporseaon. [163†]

³¹Alai anggo Israel na mangeahi patik hatigoran i, ndang sahat tusi. [164†]

³²Ala ni aha? Ala sian na mangulahon do (dilului), ndada sian haporseaon, gabe tartuktuk ma nasida di batu partuktuhan i,

³³hombar tu na tarsurat i: “Hupeakhon do di Sion batu partuktuhan jala batu pargasipan; jala ndang sipailaon na porsea di Ibana.” [165†]