Read Batak Toba 1 KORINT 8 Bible Online

1 KORINT 8 - Batak Toba bible

1 KORINT 8

¹Alai anggo taringot tu juhut naung pinelehon taboto be; naung adong do parbinotoan di hita saluhutna. Na paburnangkon do parbinotoan; alai na pauliulihon do ia holong ni roha. [111†]

²Na mangarimpu, naung adong binotona, ndang diboto dope pangalaho ni parbinotoan na tama. [112†]

³Alai anggo adong na mangkaholongi Debata, i do na tinanda ni Debata. [113†]

⁴Onpe, taringot tu na manganhon juhut naung pinelehon taboto do: Ndang tutu adong begu di portibi on, jala ndang adong Debata dungkon ni Nasasada i. [114†]

⁵Ai adong do tutu digoar debata di ginjang nang di tano on pe, ai lan do dipardebata jala lan do dipartuhan.

⁶Alai anggo di hita holan sada do Debata, Ama i, parmulaan ni saluhut, jala hita do tu Ibana; jala sada do Tuhan, i ma Jesus Kristus, parhitean ni saluhutna, jala hita marhitehite Ibana. [115†]

⁷Alai ndang apala saluhutna nampuna parbinotoan i. Adong dope na manganhonsa songon pelean situtu, ala somal diparhatutu begu, gabe ramun rohanasida, na hurang togu i. [116†]

⁸Alai ndang dipajonok sipanganon hita tu Debata: Ndang na surut hita, anggo so tapangan, jala ndang ummangat hita, nang tapangan. [117†]

⁹Alai jaga ma hamu, so tung gabe partuktuhan di angka na gale i huasomuna. [118†]

¹⁰Ai adong ma na marnida ho, nampuna parbinotoan ondeng, hundul marsipanganon di parsombaonan ni begu: Nda niapoan ma disi rohana na hurang togu i, manganhon juhut na pinelehon?

¹¹Gabe mago maon binahen ni parbinotoanmi dongan, na gale i dope na hinophop ni hamamate ni Kristus! [119†]

¹²Alai molo songon i hamu mardosa dompak angka dongan jala digugai hamu rohanasida na hurang togu i, na dompak Kristus do hamu mardosa disi.

¹³Dibahen i, antong, anggo targasip donganki siala sipanganon, na so tupa be panganonku juhut salelengna i, asa unang targasip donganki hubahen. [120†]