Read Batak Toba GALATIA 5 Bible Online

GALATIA 5 - Batak Toba bible

GALATIA 5

¹I. [1] Asa saut malua hita, umbahen na dipalua Kristus i hita. Hot ma hamu jongjong, antong, jala unang be olo hamu patunduhon ni auga parhatobanon i! [66†]

²Sandok ahu, Paulus, mandok tu hamu: Molo pasunathonsa hamu, ndang marguna be Kristus di hamu!

³Huulaki ma mangkatindangkon tu ganup jolma: Na pasunathon, ingkon diulahon sandok patik i!

⁴Naung sirang do hamu sian Kristus, anggo naeng pintor hamu, bahenon ni ulaon patik; naung peut do hamu sian parasirohaon!

⁵Ai marhitehite haporseaon di bagasan tondi hita managam hatigoran sihirimon i.

⁶Ai ndada margogo di Kristus Jesus i, nang hajahudion, nang na so hajahudion; sandok haporseaon siula haholongon i do! [67†]

⁷Na denggan do parlojongmuna najolo; ise mangambat hamu, so mangoloi hasintongan i be?

⁸Ndada sian na manjou hamu ro pangelaelaon sisongon i. [68†]

⁹Diasomi saotik na asom i do sandok itak na niudi. [69†]

¹⁰Pos do rohangku di hamu marhitehite Tuhan: Ndada na mimbar rohamuna. Alai manang ise pe na manggaori hamu, porsanon ni i do uhuman na tu ibana! [70†]

¹¹Alai aut hujamitahon hajahudion, ale angka dongan, marhua ma ahu lelean? Ai naung mansohot ma antong gasip ni silang i. [71†]

¹²Aut gotap ma nian angka na manggunturi hamu! [72†] II.

¹³Tu haluaon i hamu dijou, angka dongan; asal unang haluaon i gabe parbonsiran di sibuk; sandok marhitehite haholongon i ma hamu masioloan! [73†]

¹⁴Ai hagogok ni saluhut patik do hata na sandok on: Haholongi donganmi songon dirim! [74†]

¹⁵Alai molo masiharatan jala masiallangan hamu, jaga ma hamu, so tung suda hamu na masilengsean!

¹⁶Alai on do hudok: Marguru tu Tondi i ma hamu marparange; unang pasaut hamu hisaphisap ni daging! [75†]

¹⁷Ai na maralohon tondi do sangkapsangkap ni daging, jala maralohon daging i do sinangkap ni tondi: Na masialoan do i, asa unang dipasaut hamu pinangido ni rohamuna. [76†]

¹⁸Alai molo ditogihon Tondi i hamu, ndang ginomgoman ni patik hamu. [77†]

¹⁹Alai tandap do parulaon ni daging, i ma parmainanon, hahodaron, pargadombuson, [78†]

²⁰hasipelebeguon, hadatuon, parmusumusuon, parbadabadaon, pangiburuon, rimasrimas, pargutugutuon, parsalisian, partahitahion,

²¹bunubunu, parmabuhon, haormuson jala angka na suman tusi. Naung hupaboa najolo tu hamu, songon i do nang nuaeng: Ndang teanon ni angka na mangulahon sisongon i harajaon ni Debata. [79†]

²²Alai angka on do parbue ni Tondi: Holong dohot las ni roha, dame dohot lambas ni roha, habasaron, habasaon, haporseaon, halambohon dohot hatomanon. [80†]

²³Ndang maralo patik dompak angka sisongon i. [81†]

²⁴Alai angka na ginomgoman ni Kristus Jesus, diparsilangkon do dagingna rap dohot angka hisaphisap dohot sangkapsangkap. [82†]

²⁵Ia dung dipangolu Tondi i hita, taparangehon ma Tondi i! [83†]

²⁶Unang ma taeahi hasangapon na rumar; unang masiasapan manang masilatean! [84†]