Read Batak Toba GALATIA 6 Bible Online

GALATIA 6 - Batak Toba bible

GALATIA 6

¹I. [1] Ale angka dongan, molo tung tarsomong jolma mardosa, hamu angka naung taruli di Tondi ma patureturehon ibana marhitehite tondi na lambok; alai matahon dirim, so tung dohot ho tarunjun! [85†]

²Masiurupan ma hamu mamorsan angka na dokdok i; i ma dalan mangaradoti patik ni Kristus. [86†]

³Ai molo dipaburnang halak dirina, hape so adong di ibana, sipaotooto diri do i.

⁴Alai ganup ma manangkasi ulaonna be; dung i tu ibana sandiri ma pujipujian, ndada maradophon na asing. [87†]

⁵Alai adong di ganup siporsanonna be! [88†] II.

⁶Alai na mamodahon hata ni Debata, tama do taruli di nasa parsaulian ni na pinodaanna i. [89†]

⁷Unang hamu lilu; ndang olo Debata leaan! Ai ia i disabur halak, i do gotilonna!

⁸Ai na manabur tu dagingna, manggotil do sian dagingna hamagoan; alai na manabur tu tondi, manggotil do sian tondi i hangoluan salelenglelengna! [90†]

⁹Alai unang marnaloja hita mambahen na denggan, ai na manggotil do hita muse di tingkina i, anggo so pargale hita nuaeng. [91†]

¹⁰Antong, binsan sadihari dope, taulahon ma na denggan di saluhut halak, alai gumodang ma tu donganta sahaporseaon! [92†] III.

¹¹Tanda hamu ma balga ni surat ni tanganku!

¹²Sude na ringkot roha di hasangapon ni pardagingon, manosaknosak hamu pasunathon; asal unang taononna pangaleleon siala silang ni Kristus. [93†]

¹³Ai gari nasida, Jahudi hian, ndang diradoti patik i; alai naeng do hamu tarsunat di rohanasida, asa di puji nasida dirina marhite sian dagingmuna.

¹⁴Alai dao ma sian ahu na mamuji diri, anggo so siala silang ni Tuhanta Jesus Kristus! Marhitehite Ibana do tarsilang portibi on di ahu, jala ahu pe, tarsilang do maradophon portibi on. [94†]

¹⁵Ai manang sian hajahudion dongan manang sian hasipelebeguon, ndang mahua i; ingkon na tinompa na imbaru do! [95†]

¹⁶Jala dame ma dohot asi ni roha tu saluhut na mamarangehon ruhut sisongon i, nang tu Israel ni Debata! [96†]

¹⁷Dungkon ni i, unang ma pola disusai agia ise ahu, ai hupaboanboan do angka tanda ni bugang ni Jesus di dagingku. [97†]

¹⁸Didongani asi ni roha ni Tuhanta Jesus Kristus ma tondimuna, ale angka dongan! Amen.