Read Batak Toba PILIPPI 3 Bible Online

PILIPPI 3 - Batak Toba bible

PILIPPI 3

¹I. [1] Angkup ni i, ale angka donganku, las ma rohamuna di bagasan Tuhan i! Ndang dokdok rohangku, manurathon jumotjot i tu hamu; jala patoguhon rohamuna do i. [37†]

²Bereng hamu angka biang; bereng hamu angka pangula na jahat; bereng hamu parsunaton na torbang! [38†]

³Ai hita do targoar parsunaton, angka parsomba di bagasan Tondi ni Debata, angka siasahon Kristus Jesus, angka na so marpos ni roha di daging i. [39†]

⁴Adong do nian nang di ahu sipangasahononhon di daging. Ai molo dirimpu deba, adong sipangasahononna di pardagingon, nda lam ahu ma nian! [40†]

⁵Tarsunat di ari paualuhon do ahu, na sian bangso Israel marga Benjamin, halak Heber, tubu ni halak Heber, halak Parise mangihuthon patik i. [41†]

⁶Garang do rohangku mangalele huria i, so hasurahan di hatigoran na sian patik.

⁷Alai naung paruntungan hian di ahu, harugian do i hujujur ala ni Kristus i. [42†]

⁸Saluhutna do tahe huetong harugian tumimbangkon hamuliaon ni panandaon di Kristus Jesus, Tuhanki. Ala Ibana huseangkon saluhutna i, jala orbuhorbuk do i huetong, asa huomo Kristus,

⁹asa di bagasan Ibana ahu didapot, unang ma marhatigoran sian patik, tung sian haporseaon di Kristus do, i ma hatigoran na sian Debata, na marojahan di haporseaon, [43†]

¹⁰asa hutanda Ibana dohot hagogoon ni haheheonna i, ro di hasasaor tu angka haporsuhonna, di na gabe sapangalaho ahu dohot Ibana di hamamatena i; [44†]

¹¹anggiat sahat ahu tu haheheon na sian angka na mate!

¹²Apala naung sanga hutangkup i manang naung gabe sun denggan; alai sai hueaki do, anggiat tartangkup ahu i, songon naung tinangkup ni Kristus Jesus i ahu. [45†]

¹³Ale angka dongan, ndang hurajumi diringku, naung sun hutangkup i.

¹⁴On do tahe: Huhalupahon na di pudingku, hueaki angka na di jolo. Dompak pandang i do hupuspus, dompak upa hamonangan na sian panjouon ni Debata sian ginjang, di bagasan Kristus Jesus i. [46†]

¹⁵Manang piga hita naung rimpas, i ma taparrohahon! Jala molo asing pingkiranmuna taringot tu manang aha, nang i pe, papataron ni Debata do tu hamu. [47†]

¹⁶Asal ma tatiop, intap naung sahat tu hita! II.

¹⁷Rap sitiru ahu ma hamu, ale angka dongan; jala pamanat hamu ma angka na marparange songon hami, sitiruonmuna! [48†]

¹⁸Ai songon naung jotjot hudok tu hamu, jala anggo nuaeng mardongan ilu do hudok: Torop do marpangalaho, gabe musu ni silang ni Kristus. [49†]

¹⁹Hamagoan do ujungnasida, butuhanasida do dipardebata, sihailahononna dihasangaphon, angka na di tano on diparrohahon. [50†]

²⁰Ai di banua ginjang do sambulonta; sian i do tapaimaima Sipangolu hita, Tuhan Jesus Kristus i. [51†]

²¹Paubaonna do dagingta na lea on, gabe doshon dagingna na sangap i, hombar tu hagogoonna i, ai tarpatunduksa do saluhutna tu Ibana. [52†]