Read Batak Toba KOLOSSE 2 Bible Online

KOLOSSE 2 - Batak Toba bible

KOLOSSE 2

¹I. [1] Alai dipangido rohangku, naeng ma botoonmuna balga ni parungkilonku humongkop hamu, nang humongkop dongan na di Laodikea, ro di sasude, na so sanga marnida bohingku sandiri.

²Ai naeng ma tarapul rohanasida, pinadomu ni holong ni roha, asa sandok mamora nasida di pangantusion na gomos, gabe ditanda hahomion ni Debata, i ma Kristus i.

³Di bagasan Ibana do buni saluhut habisuhon dohot parbinotoan na arta. [22†]

⁴Umbahen hudok songon i, asa unang dihatahatai deba hamu marhitehite malomalo ni pangkuling. [23†]

⁵Ai padaodao pe isara di pardagingon, naung rap dohot hamu do ahu di partondion, marlas ni roha mamereng turena na di hamu, ro di hot ni haporseaonmuna di Kristus. [24†]

⁶Onpe, songon panjangkonmuna di Kristus Jesus, Tuhan i, songon i ma hamu marparange di bagasan Ibana!

⁷Gabe marurat jala pinauliuli ma hamu di bagasan Ibana, togu marhaporseaon, hombar tu na niajarhon tu hamuna; lumobi ma hamu marroha mauliate! [25†]

⁸Jaga ma hamu, so tung diago deba hamu marhitehite hata bisukbisuk dohot hata lensem na so marimpola, hombar tu tonatona ni jolma, mangihuthon sisiasia ni hasiangan on, ndada mangihuthon Kristus. [26†]

⁹Ai di bagasan Ibana do maringanan sandok gok ni hadebataon marrupahon daging. [27†]

¹⁰Di bagasan Ibana sahat nang tu hamu hagogokna i; Ibana do ulu ni nasa hamuliaon dohot panggomgomion. [28†]

¹¹Laos di bagasan Ibana do hamu tarsunat, ndada binahen ni tangan, laho mananggal pamatang na mardaging on, binahen ni parsunaton na sian Kristus, i do. [29†]

¹²Ai rap tartanom do hamu dohot Ibana, di na tardidi i hamu; laos di bagasan Ibana do rap hamu dipahehe, di na gabe porsea hamu di hagogoon ni Debata, na pahehehon Ibana sian angka na mate. [30†]

¹³Asa hamu, naung mate di bagasan angka pangalaosion dohot di bagasan sibuk na so tarsunat i, raphon Ibana do hamu dipahehe, di na sinesana i nasa pangalaosionta. [31†]

¹⁴Disesa do surat tangan i na dompak hita, i ma angka patik na maralohon hita; dipadao do i, dilohothon tu silang i. [32†]

¹⁵Dipupusi do angka hamuliaon dohot panggomgomion, patar do dipatotondurhon nasida, dipaebangkon do nasida na talu i. [33†] II.

¹⁶Onpe, unang ma diuhumi halak hamu siala sipanganon manang siinumon, manang siala pesta, manang poltak ni bulan, manang ala ni ari Sabbat pe. [34†]

¹⁷Halinu ni angka na naeng ro do i; alai Kristus i do nampuna badan. [35†]

¹⁸Tung unang ma hamu dilesanlesani halak, na giot paulaula na serep jala sumomba angka surusuruan, ditengatengahon do na niidana di bagasan tondina, pinaburnang ni roharoha ni dagingna. [36†]

¹⁹Alai ndang diparsigantungi Ulu i, ai sian I lam magodang, marguru tu Debata, sandok pamatang i, na niurupan jala pinadomudomu ni angka urat dohot ihotihot. [37†]

²⁰Anggo naung rap dohot Kristus i hamu mate taringot tu sisiasia ni hasiangan on; boasa ma olo hamu paksaon songon halak na mangolu di hasiangan on: [38†]

²¹Unang jama on! Unang pangan on! Unang tiop on!

²²Sipangkeon jala sipasudaon do i sasudena. Angka patik dohot podapoda ni jolma sambing do angka i. [39†]

²³Na songon habistohon do i idaon, na paburjuburjuhon jala na paserepserephon diri, na mangaluntei daging; alai ndang marguna mangalo roha na pasombuhon sibuk. [40†]