Read Batak Toba KOLOSSE 4 Bible Online

KOLOSSE 4 - Batak Toba bible

KOLOSSE 4

¹Hamu angka induk, lehon hamu ma na tigor jala na tama tu angka anak somang; ingot hamu: Adong do Tuhan nang di hamu di banua ginjang i! [62†] I.

²Manongtong ma hamu martangiang; dungo ma hamu disi, huhut mandok mauliate! [63†]

³Tangiangkon hamu nang hami, asa dilehon Debata di hami pintu na ungkap di hata i, mangkatahon hahomion ni Kristus; ala ni i do, umbahen na tarihot ahu, [64†]

⁴asa hupapatar i songon na tama pangkatahonku.

⁵Marpantas ni roha ma hamu marparange maradophon angka na di balian; parhaseang hamu ma tingki! [65†]

⁶Sai tong ma lambok hatamuna, songon na siniraan, asa botoonmuna alus na patut tu ganup jolma. [66†] II.

⁷Pabotohonon ni Tikikus do tu hamu nasa na masa di ahu; ibana do dongan na hinaholongan jala parhalado haposan jala dongan pangula di bagasan Tuhan i.

⁸Alas ni on do, umbahen na husuru ibana tu hamu, asa diboto hamu na masa di hami, jala asa diapul rohamuna, [67†]

⁹rap dohot si Onesimus, dongan haposan, haholongan i, na sian hamu on; pabotohononnasida do tu hamu nasa na masa di hami. [68†]

¹⁰Manongos tabi tu hamu: Aristarkus donganku tarhurung, dohot Markus, ibebere ni Barnabas; nunga dijalo hamu hata taringot tu ibana; anggo ro ibana tu hamu on, jangkon hamu on, jangkon hamu ma ibana! [69†]

¹¹Songon i Jesus, na margoar Titius Justus; holan nasida do Jahudi hian, donganku pangula di harajaon ni Debata, angka na gabe apulapul di ahu.

¹²Manongos tabi tu hamu Epapras na sian hamu on, naposo ni Kristus Jesus; na tongtong do ibana marungkil tumangiangkon hamu, asa jongjong hamu rimpas jala margomos ni roha situtu di nasa na hinalomohon ni Debata. [70†]

¹³Ahu do saksina di godang ni na hinalojahonna i humongkop hamu dohot humongkop angka dongan na di Laodikea, nang na di Hierapolis.

¹⁴Manongos tabi tu hamu pandaoni Lukas, haholongan i, dohot si Demas. [71†]

¹⁵Dok hamu ma tabi tu angka dongan na di Laodikea, songon i tu Nimpa, ro di huria na marpungu di jabuna.

¹⁶Jala ia dung dijaha surat on di hamu, sarihon hamu ma, asa dijaha i nang di huria Laodikea; jala naeng ma jahaonmuna nang surat na tu Laodikea i!

¹⁷Dok ma tu si Arhippus: Jaga ho di tohonan, na jinalom di bagasan Tuhan i, laho mangaradotisa! [72†]

¹⁸On ma tabingku sian ahu, Paulus, na sinurat ni tanganku. Ingot hamu ahu na tarrante i! Didongani asi ni roha i ma hamu! [73†]