Read Batak Toba JOSUA 21 Bible Online

JOSUA 21 - Batak Toba bible

JOSUA 21

¹I. [1] Dung i ro ma angka induk ni halak Lepi marompuompu mandapothon malim Eleasar dohot si Josua, anak ni si Nun, mandapothon dohot angka induk ni halak Israel marmargamarga. [152†]

²Angka didok ma tu nasida di Silo di tano Kanaan songon on: Nunga martona hian Jahowa marhite sian si Musa, lehonon tu hami angka huta bahen inganan ro di upa parikna bahen panjampalan di pinahannami. [153†]

³Jadi dilehon halak Israel ma tu halak Lepi sian partaliannasida hombar tu tona ni Jahowa, angka huta on ro di upa parikna.

⁴Dung i ruar ma rujiruji di pinompar ni si Kohat, gabe maruli angka anak ni malim Aron sian halak Lepi: Sian marga Juda dohot sian marga Simeon dohot sian marga Benjamin marhite sian rujiruji sampulu tolu huta.

⁵Pinompar ni si Kohat angka na asing i maruli sian pinompar ni marga Epraim dohot sian marga Dan dohot sian satonga marga Manasse marhite sian rujiruji sampulu huta.

⁶Ia pinompar ni si Gerson maruli sian pinompar ni marga Isasar dohot sian marga Aser dohot sian marga Naptali dohot satonga marga Manasse di Basan marhite sian rujiruji sampulu tolu huta.

⁷Ia pinompar ni si Merari marsuhusuhu maruli sian marga Ruben dohot sian marga Gad dohot sian marga Zebulon sampulu dua huta.

⁸Songon i ma pangalehon ni halak Israel tu halak Lepi di angka huta i ro di upa parikna marhite sian rujiruji, hombar tu na tinonahon ni Jahowa tu si Musa. II.

⁹Jadi dilehon nasida ma sian marga Juda dohot sian marga Simeon angka huta on, angka na targoar be.

¹⁰Jadi maruli ma pinompar ni si Aron sian pinompar ni si Kohat marsuhusuhu, sian halak Lepi, ai di nasida di rujiruji parjolo.

¹¹Jadi dilehon ma tu nasida huta Arba, ama ni si Anok, i ma Hebron di dolok Juda ro di upa parikna humaliang. [154†]

¹²Alai anggo golat ni huta i ro di sosorna tu si Kaleb, anak ni si Jepune do dilehon bahen partalianna. [155†]

¹³Ia tu pinompar ni malim Aron dilehon nasida Hebron, huta haporusan ni sibunu jolma ro di upa parikna dohot Libna ro di upa parikna.

¹⁴Nang Jatir ro di upa parikna dohot Estemo ro di upa parikna.

¹⁵Nang Holon ro di upa parikna dohot Debir ro di upa parikna.

¹⁶Nang Ain ro di upa parikna dohot Jutta ro di upa parikna dohot Betsemes ro di upa parikna; sia huta do i sian marga na dua i. [156†]

¹⁷Ia sian marga Benjamin: Gibeon ro di upa parikna, Geba ro di upa parikna.

¹⁸Anatot ro di upa parikna dohot Almon ro di upa parikna, opat huta do i. [157†]

¹⁹Luhutna huta ni angka malim, pinompar ni si Aron, sampulu tolu huta do ro di upa parikna. III.

²⁰Ia pinompar ni si Kohat marsuhusuhu, i ma halak Lepi angka na teba sian pinompar ni si Kohat maruli angka huta rujiruji nasida sian marga Epraim.

²¹Dilehon do tu nasida Sikem, huta haporusan ni sibunu jolma ro di upa parikna di dolok Epraim dohot Gezer ro di upa parikna. [158†]

²²Nang Kibsaim ro di upa parikna dohot Bethoron ro di upa parikna opat huta do i.

²³Ia sian marga Dan: Elteke ro di upa parikna, Gibeton ro di upa parikna.

²⁴Aialon ro di upa parikna, Gatrimon ro di upa parikna, opat huta do i.

²⁵Ia sian satonga marga Manasse: Taanak ro di upa parikna dohot Gatrimon ro di upa parikna, dua huta do i.

²⁶Luhutna huta i sampulu do ro di upa parikna di pinompar ni si Kohat, angka na teba i marsuhusuhu. IV.

²⁷Ia pinompar ni si Gerson sian halak Lepi marsuhusuhu maruli sian satonga marga Manasse huta haporusan ni sibunu jolma, i ma Golan di Basan ro di upa parikna, dua huta do i. [159†]

²⁸Ia sian marga Isasar: Kision ro di upa parikna, Daberat ro di upa parikna.

²⁹Jarmut ro di upa parikna, En-Ganim ro di upa parikna, opat huta do i.

³⁰Ia sian marga Aser: Miseal ro di upa parikna, Abdon ro di upa parikna.

³¹Helkat ro di upa parikna dohot Rehob ro di upa parikna opat huta do i.

³²Ia sian marga Naptali huta haporusan ni sibunu jolma, i ma Kedes di Galilea ro di upa parikna dohot Hamot-Dor ro di upa parikna dohot Kartan ro di upa parikna, tolu huta do i. [160†]

³³Luhutna huta i di pinompar ni si Gerson marsuhusuhu sampulu tolu huta do ro di upa parikna. V.

³⁴Ia pinompar ni si Merari marsuhusuhu, halak Lepi, angka na teba i maruli sian marga Zebulon: Jokneam ro di upa parikna, Karta ro di upa parikna.

³⁵Dimna ro di upa parikna, Nahalal ro di upa parikna, opat huta do i.

³⁶Ia sian marga Ruben: Bezer ro di upa parikna dohot Jahaz ro di upa parikna. [161†]

³⁷Kadermat ro di upa parikna dohot Mepaat ro di upa parikna, opat huta do i.

³⁸Ia sian marga Gad huta haporusan ni sibunu jolma: Ramot di Gilead ro di upa parikna dohot Mahanaim ro di upa parikna. [162†]

³⁹Hesbon ro di upa parikna, Jaser ro di upa parikna, luhutna huta i opat do.

⁴⁰Luhutna huta i di pinompar ni si Merari marsuhusuhu, angka na teba sian halak Lepi marsuhusuhu, sampulu dua huta do rujirujinasida.

⁴¹Jadi luhutna huta i di halak Lepi, di tongatonga ni partalian ni halak Israel, opatpulu ualu huta do ro di upa parikna.

⁴²Songon on do parsagi ni angka huta i, gonop huta ro di upa parikna be humaliang, songon i do di angka huta i luhutna. VI.

⁴³Jadi dilehon Jahowa tu halak Israel sandok tano i na niuarihonna lehononna tu ompunasida, gabe dipapatu nasida tano i, laos maringan disi. [163†]

⁴⁴Dung i dipasonang Jahowa ma nasida humaliang, hombar tu saluhut na niuarihonna tu ompunasida, jala ndang manahan musunasida nanggo sada maradophon nasida, dipasahat Jahowa do luhut musunasida tu tangannasida.

⁴⁵Ndang adong tartading nanggo sada sian saluhut hata na denggan, angka na pinaboa ni Jahowa tu pinompar ni Israel, tung luhutna do ro. [164†]