Read Batak Toba 1 TIMOTEUS 3 Bible Online

1 TIMOTEUS 3 - Batak Toba bible

1 TIMOTEUS 3

¹I. [1] Hata haposan do on: Ulaon na denggan do pinangido ni na mangalului hasintuaon. [29†]

²Dibahen i, unang ma adong dapot sisurahan di sintua: Harajaan ni sada boruboru ma ibana, marpangontik, marroha, marhapantunon, na las roha martamue, na malo mangajari. [30†]

³Unang ma sisobur tuak, unang pangalinsingi; alai na lambok, pardame jala si impolan di perak.

⁴Na malo mangarajai donganna sabagas, paranakkon sioloi ajar mardongan sandok hahormaton. [31†]

⁵Ai molo so diboto mangarajai isi ni bagasna, tung songon dia ma paturetureonna huria ni Debata?

⁶Unang ma halak na imbaru masuk, unang gabe ginjang rohana; jala madabu maon tubagasan uhum ni sibolis i.

⁷Ingkon denggan do baritana di halak na di balian, asa unang ibana madabu tubagasan panginsahion dohot sambil ni sibolis i. [32†]

⁸Songon i do nang angka parhobas: Ingkon na toman do, unang mardua hata, unang sisobur tuak, unang parpangomo sian dalan na so tama; [33†]

⁹angka na umpeop hahomion ni haporseaon i di bagasan roha na ias.

¹⁰Alai siunjunan jumolo nang nasida; dung pe i, asa jaloonnasida ulaon i, anggo so hasurahan.

¹¹Songon i ma angka parompuan: Toman, unang sihatahatai donganna; parpangontik, haposan di saluhut. [34†]

¹²Ia parhobas i, ingkon harajaan ni sada boruboru, angka na umboto manguluhon anakkonna dohot bagasna be. [35†]

¹³Ai ia dung ture parhobasonnasida, naek situtu ma nasida, jala marhiras ni roha godang marhaporseaon di Kristus Jesus. II.

¹⁴Husurathon angka i tu ho, huhut mangkirim, tibu ahu ro manopot ho.

¹⁵Alai molo tung gumele ahu, naeng botoonmu, na patut parangehononmu di bagas ni Debata, i ma huria ni Debata na mangolu i! [36†]

¹⁶Tiang jala tungkol ni hasintongan i jala tandap balga ni hahomion ni hadaulaton i: Nunga gabe patar Ibana mardaging, dipintori di bagasan Tondi, tarida di angka surusuruan, binaritahon tu angka parbegu, hinaporseaan di portibi on jala tarhinsat di bagasan hasangapon! [37†]