Read Batak Toba 1 TIMOTEUS 6 Bible Online

1 TIMOTEUS 6 - Batak Toba bible

1 TIMOTEUS 6

¹I. [1] Nasa anak somang, ditoru ni auga, dirajumi ma indukna tama pasangapon di na saluhutna, asa unang hona insak Goar ni Debata, nang agama i. [58†]

²Alai molo porsea angka induk, unang ma moru parsangapina di nasida, ala dongan nasida; lam dioloi ma, ala porsea nasida jala na hinaholongan, angka naung taruli di basabasa i. I ma ajarhon jala paingothon! [59†]

³Na mangajarhon asing, na so marsitiopan tu hata na tingkos, na sian Tuhanta Jesus Kristus, dohot tu poda na mangihuthon hadaulaton i, [60†]

⁴i do na burnang, ndang diboto agia aha, parsualon dohot parpollungon dihasahithon, i ma haroroan ni latelate, badabada, panginsahion dohot panihanihaion na roa,

⁵parsalisian na manongtong di jolma naung sega rohana, naung agoan hasintongan i, ai dirimpu, pangomoan do hadaulaton i. II.

⁶Pangomoan godang do tutu hadaulaton, anggo mardongan sabam ni roha. [61†]

⁷Ai ndang adong taboan tu hasiangan on, jala ndang tarboan hita agia aha laho ruar. [62†]

⁸Alai molo adong di hita sipanganon dohot parabiton, tahasabamhon ma i! [63†]

⁹Ia angka na naeng gabe mamora, madabu do tubagasan pangunjunan dohot sambil dohot tu lan hahisapon haotoon, angka na mangago, na mangalonongkon jolma i tubagasan jea dohot hamagoan. [64†]

¹⁰Ai urat ni nasa hajahaton do roha na holongan di hepeng; i do disangkapi na deba, umbahen na lilu sian haporseaon i, gabe diaithon do godang na bernit tu dirina. [65†] III.

¹¹Alai anggo ho halak ni Debata, maporus ma sian i; pareahi ma hatigoran, hadaulaton, haporseaon, holong ni roha, habengeton dohot lambok ni roha! [66†]

¹²Haburjuhon ma paraloan haporseaon na denggan i; tangkup ma hangoluan salelenglelengna, ai tusi do ho dijou, jala diparhatopot ho do panindangion na denggan di jolo ni torop sitindangi. [67†]

¹³Hupatik ma ho di jolo ni Debata, na pangoluhon saluhut, dohot di jolo ni Kristus Jesus, na mangkatindangkon na denggan di jolo ni Pontius Latus: [68†]

¹⁴Radoti ma patik i, so marlindang, so hasurahan, paima tarida Tuhanta Jesus Kristus i.

¹⁵Ai di hajujumpang ni tingkina patar ma Ibana, bahenon ni na Martua i, Pargogo sasadasa, Raja ni angka raja, Tuhan ni angka tuan. [69†]

¹⁶Sasadasa do na so olo mate, Siingani hatiuron na so tartopot, na so dung diida jolma Ibana, jala ndang tarbereng Hasangapon dohot hagogoon ma di Ibana ro di salelenglelengna! Amen. [70†]

¹⁷Rodihon ma angka na mora di hasiangan on, unang ginjang rohanasida, unang dihaposi hamoraon na so mian i; alai dihaposi ma Debata, na buas mangalehon tu hita saluhut sihalashononta. [71†]

¹⁸Naeng ma mangulahon na denggan nasida, mamora di angka ulaon na denggan, marroha na buas, na girgir marsibasabasa,

¹⁹papunguhon di nasida pangkal na denggan tu tingki sogot, asa ditangkup nasida ngolu na tutu. [72†]

²⁰Ale Timoteus, ramoti naung jinalomi, pasiding ma pangkataion na so marimpola, na so gabeak i, dohot sualsual na pilit targoar parbinotoan! [73†]

²¹I do dibaritahon deba, gabe manimbil sian haporseaon. Didongani asi ni roha i ma hamu! [74†]