Read Batak Toba 2 TIMOTEUS 3 Bible Online

2 TIMOTEUS 3 - Batak Toba bible

2 TIMOTEUS 3

¹I. [1] Alai patut ma botoonmu on: Na ro ma angka ari hasusaan, di angka tingki parpudi. [32†]

²Ai mangkaholongi dirina ma jolma disi, impolan di perak, parhata manggang, parroha haginjangon, angka panginsahi, na so mangoloi natorasna, na so marningot lagu, angka na tois; [33†]

³angka na so marroha holong, pangoseose, panihasnihasi, na so umboto mangorom, parmurukmuruk, na so marholong ni roha di na denggan;

⁴angka parjehe, parroha na neang, sipaburnang diri, holongan di hisap ni daging asa di Debata. [34†]

⁵Parrumang hadaulaton do nasida; alai hagogoonna i ndang dapot di nasida. Pasiding ma angka sisongon i! [35†]

⁶Angka sisongon i do na olo manisipi tu jabu ni halak, mandormai roha ni angka boruboru, naung sorat binahen ni dosa, angka na nielaela ni ragam ni hahisapon, [36†]

⁷angka na tongtong marguru, alai matua so sahat nasida mananda hasintongan i: [37†]

⁸Tudoshon si Jannes dohot si Jambres, angka na mangalo si Musa, laho mangalo hasintongan. Nasida do jolma naung sega rohana; ndang manahan haporseaonnasida. [38†]

⁹Alai ndang tagamon patulusonnasida i, ai patar do diida sude haotoonnasida, suang songon di na dua ondeng. II.

¹⁰Alai diihuthon ho do ahu di poda, di parange, di tahi, di haporseaon, di lambas, holong dohot benget ni roha,

¹¹di bagasan angka pangaleleon, haporsuhon, angka na masa tu ahu di Antiokia, di Ikonium, di Listra: Pangaleleon na sai godang do huta on, jala dipalua Tuhan i do ahu sian saluhutna i. [39†]

¹²Alai ndang tarbahen so hona lele nasa, na naeng marparange na daulat marhitehite Kristus Jesus. [40†]

¹³Alai na mangkapogani hamagoanna do angka parjahat dohot siulas utiutian; na paotootohon do nasida huhut dipaotooto. [41†]

¹⁴Alai anggo ho, sai mian ma di bagasan angka na ginuruhon jala naung hinaporseaanmi, ai diboto ho do na mangajarhonsa tu ho. [42†]

¹⁵Huhut ala diboto ho, sian sietehetehonmi dope, surat na badia i, na margogo pabisukkon ho, asa taruli di haluaon marhitehite haporseaon di Kristus Jesus. [43†]

¹⁶Ai nasa Surat i, sinihathon ni Debata do; jala hasea mamodai, maminsang, pauliulihon, manogunogu di bagasan hatigoran, [44†]

¹⁷asa rimpas halak ni Debata, hobas tu nasa ulaon na denggan.