Read Batak Toba TITUS 1 Bible Online

TITUS 1 - Batak Toba bible

TITUS 1

¹I. [1] Ahu surat ni si Paulus, naposo ni Debata, apostel ni Jesus Kristus, hombar tu haporseaon ni angka na pinillit ni Debata, jala hombar tu panandaon di hasintongan, na domu tu hadaulaton,

²mangasahon pangkirimon di hangoluan na so ra suda, naung sian mula ni mulana i diparbagabaga Debata, na so margabus i,

³gabe dipapatar do hinatahonna i di tingkina i, marhite sian parjamitaon, na pinasahatna tu ahu, mangihuthon pandokkon ni Debata, Sipangolu hita, [1†]

⁴mandapothon si Titus, anak na tutu, taringot tu haporseaon hatopan i: Asi ni roha dohot dame sian Debata Ama dohot sian Kristus Jesus, Sipalua hita! [2†] II.

⁵Umbahen na hutadingkon ho di Kreta, asa dipature, ho ulaon angka na tading i dope, dohot pabangkithon sintua di ganup huta, songon naung huaturhon tu ho. [3†]

⁶Naeng ma nasida so hasurahan, dongan saripe ni sada parompuan, paranakkon na porsea, angka na so tarhata sineang roha manang na jungking pe. [4†]

⁷Ai anggo sintua, sandok na so jadi hasurahan, naeng ma songon juara bagas ni Debata, unang siula roharoha, unang parpiripiri, unang sisobur tuak, unang parbada, unang parpangomo sian na so ture! [5†]

⁸Alai na basa martamue, na las roha di na denggan, na toman, na bonar, na badia, sirajai dirina.

⁹Na marsitiopan tu hata sihaposan i mangihuthon poda i, asa margogo ibana, mangapoi marhitehite poda na tingkos i, nang maminsang angka na manggaga. III.

¹⁰Alai lan do angka na jengkel, angka parhata na so gabeak, na giot mangaliluhon; toropan nasida Jahudi.

¹¹Ingkon huntamon do pamangannasida, ai digaori nasida do pangisi ni angka bagas, diajarhon do na so jadi, mambuat pangomoan hailaon. [6†]

¹²Didok sahalak panurirang sian tongatonganasida: Sai tong pargapgap do halak Kreta, angka binatang pamusa, parroha butuha, angka na losok.

¹³Sintong do panindangion i. Dibahen i, gomos ma paminsangmu di nasida, asa gabe hisar nasida marhaporseaon. [7†]

¹⁴Unang diantoi turiturian ni Jahudi ro di patikpatik ni jolma, angka naung manundalhon hasintongan i. [8†]

¹⁵Ias do saluhut di angka na ias; alai ndang adong na ias di parroha na ronsam, na so porsea, ai naung ronsam do rohanasida ro di panggora ni roha i. [9†]

¹⁶Dihatahon nasida do, naung ditanda Debata, alai disoadahon do Ibana di na niulanasida; ai hagigian do nasida jala na tois, na so tau tu manang dia ulaon na denggan. [10†]